ENG

იუსტიციის უმაღლესი საბჭოს მდივანი ბატონი ნიკოლოზ მარსაგიშვილი “საქართველოს მედიატორთა ასოციაციას” ესტუმრა

მედიაციის კვირეულის ფარგლებში იუსტიციის უმაღლესი საბჭოს მდივანი ბატონი ნიკოლოზ მარსაგიშვილი “საქართველოს მედიატორთა ასოციაციას” ესტუმრა.

იუსტიციის უმაღლესი საბჭოს მდივანმა გულითადად მიულოცა ასოციაციას და მედიატორებს პროფესიული დღე და ხაზი გაუსვა მედიატორის პროფესიის მნიშვნელობას.

შეხვედრაზე იუსტიციის უმაღლესის საბჭოს მდივანმა აღნიშნა ასოციაციის მხრიდან 2020 წლის მანძილზე პროფესიის განვითარების მიმართულებით გადადგმული ეფექტური ნაბიჯების თაობაზე და დააფიქსირა პროფესიის და ასოციაციის მხარდაჭერა და თანამშრომლობის მზაობა.

საქართველოს მედიატორთა ასოციაციის თავმჯდომარემ ირაკლი ყანდაშვილმა საბჭოს მდივანს დაათვალიერებინა ევროკავშირის და გაეროს განვითარების პროექტის მხარდაჭერით ოფისის ახლად აღჭურვილი ოთახები (ტექნიკით აღჭურვის პროცესი, რაც მედიაციის პროცესის წარმოებას ესაჭიროება უახლოეს პერიოდში დაიწყება), მორგებული მედიაციის პროცესის საჭიროებებს და მზაობა სასამართლო მედიაციის მიზნებისთვის ოფისის ოთახების გამოყოფის შესახებ თბილისის, რუსთავის და მცხეთის სასამართლო მედიაციის სამედიაციო პროცესებისთვის.

საბჭოს მდივანმა ასოციაციას მადლობა გადაუხადა გამოხატული მხარდაჭერისთვის სასამართლო მედიაციის მიმართულებით და აღინიშნა რომ 2021 წლიდან სასამართლო ასოციაციის ოფისის შესაბამის ფართს აქტიურად გამოიყენებს სამედიაციო პროცესებისთვის.

საქართველოს მედიატორთა ასოციაცია მადლობას უხდის იუსტიციის უმაღლეს საბჭოს პროფესიული დღის მოლოცვისთვის.
უკან
სხვა სიახლეები

საქართველოს მედიატორთა ასოციაცია, მედიატორებს თორნიკე კაპანაძეს და უჩა თოდუას ულოცავს მოსამართლედ გამწესებას

სსიპ „საქართველოს მედიატორთა ასოციაცია“, მედიატორებს თორნიკე კაპანაძეს და უჩა თოდუას ულოცავს მოსამართლედ გამწესებას და უსურვებს მათ წარმატებულ სამოსამართლო საქმიანობას ქართული მართლმსაჯულების ინტერესების საკეთილდღეოდ .

ურთიერთთანამშრომლობის მემორანდუმი „საქართველოს მედიატორთა ასოციაციის“ ეთიკის კომისიასა და იუსტიციის უმაღლესი საბჭოს დამოუკიდებელ ინსპექტორს შორის

სსიპ „საქართველოს მედიატორთა ასოციაციის“ ახლად არჩეულ ეთიკის კომისიასა და იუსტიციის უმაღლესი საბჭოს დამოუკიდებელ ინსპექტორთან ურთიერთთანამშრომლობის მემორანდუმი გაფორმდა

"ვაქციოთ კანონი ყველასთვის ხელმისაწვდომი"

„საქართველოს მედიატორთა ასოციაციის“ თავმჯდომარემ ირაკლი ყანდაშვილმა ხელი მოაწერა დეკლარაციას, რომელიც ქვეყნის მასშტაბით დაწყებული მოძრაობის, „ვაქციოთ კანონი ყველასთვის ხელმისაწვდომი“ სულისკვეთებას გამოხატავს