მედიაციის/მედიატორის ტრენინგის ჩატარებისთვის მნიშვნელოვან წინაპირობას წარმოადგენს აკრედიტაცის მოპოვება. ტრენინგის ორგანიზებისა და ჩატარების უფლება აქვს, იმ დაწესებულებებს, და კერძო პირებს, რომელთა მიერ შეთავაზებული მედიაციის/მედიატორის ტრენინგის სტანდარტი მედიატორთა სერტიფიცირების პროგრამით დადგენილ სტანდარტთან სრულ შესაბამისობაშია.
დაინტერესებულმა პირმა შეიძლება მოიპოვოს როგორც პროგრამული ისე ინსტიტუციური აკრედიტაცია:
პროგრამული აკრედიტაცია - 2021 წლის თებერვალიდან ასოციაციამ დაიწყო განაცხადების მიღება პროგრამულ აკრედიტაციაზე, რომლის ღირებულებაც შეადგენს 2, 000 (ორი ათასი) ლარს. პროგრამული აკრედიტაციის მიღება განმცხადებელს ანიჭებს უფლებამოსილებას ერთჯერადად განახორციელოს განაცხადით მოთხოვნილ ვადაში ასოციაციის მიერ დამტკიცებული პროგრამით მედიატორობის მსურველი პირების სწავლება. პროგრამული აკრედიტაციის მიღება ერთსა და იმავე განმცხადებელს წლის მანძილზე შეუძლია შეუზღუდავად.
ინსტიტუციური აკრედიტაცია -2022 წლის იანვარიდან ასოციაციამ დაიწყო განაცხადების მიღება ინსტიტუციურ აკრედიტაციაზე, რომლის ღირებულებაც შეადგენს 5, 000 (ხუთი ათასი) ლარს. ინსტიტუციური აკრედიტაცია მის მფლობელს აძლევს შესაძლებლობას კალენდარული წლის მანძილზე განახორციელოს მედიატორის ტრენინგი შეუზღუდავად.
ასოციაციის აღმასრულებელი საბჭო პროგრამული და ინსტიტუციური აკრედიტაციის მოთხოვნით მიღებულ განაცხადს განიხილავს და იღებს შესაბამის გადაწყვეტილაბასშესაბამისი მომართვის რეგისტრაციის დღიდან 30 კალენდარული დღის განმავლობაში.
