„საქართველოს მედიატორთა ასოციაციის“ თავმჯდომარე ირაკლი ყანდაშვილი თურქეთის რესპუბლიკის იუსტიციის სამინისტროს მიწვევით სამუშაო ვიზიტით იმყოფება ქალაქ ანკარაში, სადაც, თურქეთის რესპუბლიკა გაეროს კონვენციის, იგივე სინგაპურის კონვენციის ოფიციალურ რატიფიცირებას ახდენს, რომელიც ეხება საერთაშორისო სამედიაციო მორიგებების აღსრულებას. თურქეთის მხრიდან სინგაპურის კონვენციასთან მიერთება და რატიფიცირება კიდევ ერთი წინ გადადგმული ნაბიჯია რეგიონში მედიაციის განვითარების მიმართულებით , რამაც კიდევ უფრო მძლავრი ბიძგი უნდა მისცეს საერთაშორისო სავაჭრო ურთიერთობების განვითარებას ჩვენს რეგიონში. თურქეთი საქართველოს სტრატეგიულ სავაჭრო პარტნიორს წარმოადგენს და დღევანდელი დღე საერთაშორისო მნიშვნელობის მატარებელია საქართველოსთვისაც, კერძოდ თურქეთის მხრიდან სინგაპურის კონვენციის რატიფიცირება და ამოქმედება, წარმოადგენს წინა პირობას მეტი ბიზნეს ინტერესის მოზიდვისა რეგიონში არსებული ქვეყნებისთვის მათ შორის საქართველოსთვის. საქართველო 2019 წლიდან მიერთებულია სინგაპურის კონვენციას რომლის ოფიციალური რატიფიცირება საქართველოს პარლამენტმა მოახდინა 2021 წელს, ხოლო აღნიშნული კონვენცია ოფიციალურად ამოქმედდება საქართველოსთვის 2022 წლის 29 ივნისს.
