ENG

„საქართველოს მედიატორთა ასოციაციამ“, USAID სამართლის უზენაესობის პროგრამის მხარდაჭერით, მედიატორებთან შეხვედრა გამართა.

შეხვედრა მიზნად ისახავდა მედიტორებს შორის გამოცდილების გაზიარებას. მონაწილეებს საქართველოს მედიატორთა ასოციაციის თავმჯდომარე, ირაკლი ყანდაშვილი მიესალმა. გამოცდილმა მედიატორებმა და თბილისის და მცხეთის სასამართლო მედიაციის ცენტრების ხელმძღვანელებმა, ელენე ორჯონიკიძემ და ნათია ჩიტაშვილმა, ასოციაციის ახალ წევრებს საკუთარი გამოცდილება გაუზიარეს და სასამართლო ცენტრების მუშაობის სპეციფიკა გააცნეს , ასევე ცენტრებში არსებულ პრობლემებზე ისაუბრეს.
შეხვედრა საინტერესო კითხვა-პასუხის და დისკუსიის რეჟიმში გაგრძელდა, მონაწილეებმა ყურადღება გაამახვილეს იმ პრობლემებზე , რაც ამ სფეროში არსებობს, მათ განიხილეს ისეთი მნიშვნელოვანი თემები, როგორიც არის კერძო და სასამართლო მედიაცია, აღსრულების ნაწილში არსებული სირთულეები და მათი გადაჭრის გზები და ის გამოწვევები, რაც თანამედიაციის პროცესში არსებობს, ასევე იმსჯელეს მედიატორების გამოცდის მესამე ეტაპის გაუმჯობესებასა და დახვეწაზე.
საქართველოს მედიატორთა ასოციაცია პერმანენტულად ატარებს მსგავს შეხვედრებს, რადგან მედიატორებს შორის გამოცდილების გაზიარება და ამ სფეროში არსებულ გამოწვევებზე საუბარი ძალზედ მნიშვნელოვანია და ხელს უწყობს მედიაციის ინსტიტუტის დახვეწასა და განვითარებას.
უკან

_Video Gallery

სხვა სიახლეები

საქართველოს მედიატორთა ასოციაციამ უმასპინძლა გრიგოლ რობაქიძის და ივანე ჯავახიშვილის სახელობის უნივერსიტეტის სტუდენტებს,

პროფესიული გაცნობითი ვიზიტის ფარგლებში ორგანიზებულ შეხვედრას უმასპინძლა საქართველოს მედიატორთა ასოციაციის თავმჯდომარე - ირაკლი ყანდაშვილმა.

გრძელდება მედიატორებს შორის გამოცდილების გაზიარების შეხვედრები, რომელიც მხარდაჭერილია გაეროს განვითარების პროგრამის მიერ.

ღონისძიებაში მონაწილეებს საქართველოს მედიატორთა ასოციაციის თავმჯდომარე - ირაკლი ყანდაშვილი და გაეროს განვითარების პროგრამის "კანონის უზენაესობისა და მართლმსაჯულებაზე ხელმისაწვდომიბის გაუმჯობესება ყველასთვის" პროექტის ოფიცერი - ივანე ჩიტაშვილი მიესალმნენ.

სამუშაო შეხვედრა საქართველოს ადვოკატთა ასოციაციის კომიტეტების წარმომადგენლებთან

„საქართველოს მედიატორთა ასოციაციამ”, გაეროს განვითარების პროგრამისა და გერმანიის მთავრობის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში, საქართველოს ადვოკატთა ასოციაციის კომიტეტების წარმომადგენლებთან სამუშაო შეხვედრა გამართა.