„საქართველოს მედიატორთა ასოციაციამ” USAID სამართლის უზენაესობის პროგრამის „მედიაციის ინსტიტუციური გაძლიერების და განვითარების პროექტის” მხარდაჭერით, თელავში, „იაკობ გოგებაშვილის სახელობის თელავის სახელმწიფო უნივერსტიტეტში“ მოსამართლეებთან გამართა სამუშაო შეხვედრა: „ არსებული პრაქტიკა და გამოწვევები სამედიაციო საქმეთა გადაცემა/რეფერირების დროს“.
ღონისძიება გახსნა და მისასალმებელი სიტყვით მიმართა მოწვეულ სტუმრებს საქართველოს მედიატორთა ასოციაციის თავმჯდომარემ - ირაკლი ყანდაშვილმა, USAID სამართლის უზენაესობის პროგრამის ADR-ის მიმართულებით მრჩეველმა, ირაკლი გელოვანმა და იაკობ გოგებაშვილის სახელობის თელავის სახელმწიფო უნივერსტიტეტის რექტორმა - შალვა ჭკადუამ
პანელურ დისკუსიაში მონაწილეობა მიიღო, გიორგი მთიულიშვილმა - გურჯაანის რაიონული სასამართლოს მოსამართლე; მარინე ცერცვაძემ - თელავის რაიონული სასამართლოს მოსამართლემ და ალექსანდრე ლომიძემ - საგარეჯოს და დედოფლის წყაროს მაგისტრმა მოსამართლემ.
შეხვედრაზე განხილულ იქნა ისეთი მნიშვნელოვანი საკითხები, რომლებიც ეხებოდა სამედიაციო საქმეთა გადაცემა/რეფერირების დროს არსებულ პრაქტიკასა და გამოწვევებს
შეხვედრა დასრულდა შემაჯამებელი დისკუსიით და დაიგეგმა მედიაციის კანონმდებლობის შემდგომი გაუმჯობესების მიზნით ისეთი ქმედითი ნაბიჯების განხორციელება, რომელიც ხელს შეუწყობს მედიაციის ინსტიტუტის გაძლიერებას.
