საერთო კრებაზე, ასოციციის თავმჯდომარემ, ირაკლი ყანდაშვილმა მოქმედ მედიატორებს მედიატორთა ასოციაციის საქმიანობის ერთ წლიანი ანგარიში წარუდგინა. კრებაზე განხილულ იქნა ასოციაციის წესდებაში და „საქართველოს მედიატორთა ასოციაციის“ მედიატორთა სერტიფიცირების პროგრამის დებულებაში შესატანი ცვლილებები, რომელსაც მხარი დაუჭირეს კრებაზე დამსწრე წევრებმა. 2021 წლის 18 დეკემბრის საერთო კრების გადაწყვეტილებით, სერტიფიცირების პროგრამის დებულების ახალი რედაქციით კიდევ უფრო გამარტივდა, უცხოელ მედიატორთა მხრიდან საქართველოში მედიაციის განხორციელების შესაძლებლობა. კრებაში მონაწილე მედიატორებმა ასევე განიხილეს და დაამტკიცეს საქართველოს მედიატორთა ასოციაციის“ განგრძობადი პროფესიული განვითარების დებულება, რომელიც ამოქმედდება 2022 წლის 1 იანვრიდან.
