საქართველოს მედიატორთა ასოციაციის 2020-2025 წლების სტრატეგიული განვითარების გეგმის შესაბამისად, განგრძობადი პროფესიული განვითარების პროგრამის მე-11 მუხლის თანახმად 2022 წლის 1-ლი იანვრიდან ამოქმედდა სავალდებული განგრძობადი პროფესიული განვითარების სისტემა.
აღნიშნული პროგრამა ადგენს, მედიატორებისთვის საგანმანათლებლო და საკვალიფიკაციო მოთხოვნებს, რომლის მიზანია ხელი შეუწყოს მედიატორთა პროფესიული უნარ-ჩვევების და ცოდნის გაღრმავებას, მედიატორთა პროფესიული განვითარებისთვის.
პროფესიული განვითარება განგრძობადი პროცესია, რომლის ფარგლებშიც მედიატორები ფოკუსირებას ახდენენ პიროვნულ და პროფესიულ ზრდაზე, საკუთარი ძლიერი მხარეების თვითშემეცნებაზე და იმ სფეროების იდენტიფიცირებაზე, რა მიმართულებითაც მათ დამატებითი ესაჭიროებათ გაუმჯობესება“.
ხაზგასასმელია, რომ ქვეყანაში მედიაციის დანერგვის და ნდობის მოპოვების კუთხით ერთ-ერთ უმნიშვნელოვანეს წინაპირობას წარმოადგენს მედიატორთა განგრძობადი პროფესიული განვითარება. საქართველოს მედიატორთა ასოციაცია მუდმივად მზად არის შესაძლებლობის ფარგლებში იზრუნოს და ხელი შეუწყოს ასოციაციის წევრ მედიატორებს პროფესიულ განვითარებაში".
