ENG

ADR თემაზე ორგანიზებული სასწავლო ვიზიტი დიდ ბრიტანეთსა და ირლანდიაში

“საქართველოს მედიატორთა ასოციაციის“ თავმჯდომარე ირაკლი ყანდაშვილი იმყოფებოდა ADR თემაზე ორგანიზებული სასწავლო ვიზიტით დიდ ბრიტანეთსა და ირლანდიაში, რომელიც განხორციელდა გლობალური საქართველოს ქსელის მიერ შვედეთის მთავრობის მხარდაჭერით, USAID-ის სამართლის უზენაესობის პროგრამასთან თანამშრომლობით. 
აღნიშნულ ვიზიტში საქართველოდან ასევე მონაწილეობდნენ საქართველოს არბიტრთა ასოციაციის, ბიზნეს სექტორის წარმომადგენლები და მოსამართლეები. სასწავლო ვიზიტის პირველი ნაწილი გაიმართა დუბლინში, ირლანდიაში. მონაწილეები ესტუმრნენ ირლანდიაში დაფუძნებული არასამთავრობო ორგანიზაციას Glencree-ს,რომელიც მუშაობს ინდივიდებთან და ჯგუფებთან კონფლიქტის გარდაქმნაზე, შერიგების პრაქტიკის დანერგვაზე, ჯანსაღი თემთაშორისი ურთიერთობების შექმნასა და მდგრადი მშვიდობის უზრუნველყოფაზე.
სასწავლო ვიზიტის მეორე ნაწილი, გაიმართა გაერთიანებულ სამეფოში, ლონდონში, დელეგატები ესტუმრნენ დავის ეფექტური გადაწყვეტის ცენტრს CEDR-ს.შეხვედრას უძღვებოდა კომერციული დავების ხელმძღვანელი რიჩარდ ნუნი. ვიზიტის ფარგლებში განხილულ იქნა ისეთი მნიშვნელოვანი საკითხები როგორიცაა : მედიაცია, როგორც სერვისის მიწოდების პროცესი, მედიაციის პროპორციული ღირებულება ქეისებთან მიმართებით, ადვოკატის როლი დავის ალტერნატიული გადაწყვეტის პროცესში, აგრეთვე განსაკუთრებული ყურადღება დაეთმო მედიაციის ფართოდ დანერგვის საჭიროებას ქვეყანაში, რაც განაპირობებს მართლმსაჯულების კიდევ უფრო ეფექტიან ხელმისაწვდომობას. დელეგატებმა ინფორმაცია მიიღეს შრომითი დავების მოგვარებისა და დავის ალტერნატიული გადაწყვეტის მექანიზმების შესახებ დასაქმებულთა უფლებების, დისკრიმინაციისა და უთანასწორობის კონტექსტში. ასოციაცია განსაკუთრებულ მნიშვნელობას ანიჭებს საერთაშორისო მასშტაბით სხვადასხვა ქვეყნებთან მჭიდრო თანამშრომლობას, რომლითაც ხელი ეწყობა მედიაციის დარგის განვითარებას საქართველოში
უკან

_Video Gallery

სხვა სიახლეები

მედიაციის შესახებ“ საქართველოს კანონში დარგის შემდგომი განვითარებისთვის უმნიშვნელოვანესი ცვლილები ხორციელდება!

2020 წლის 01 იანვრიდან „მედიაციის შესახებ“ საქართველოს კანონი ამოქმედდა, რის შემდგომ აქტიურად ინერგება სამედიაციო პრაქტიკა საქართველოში. განვლილი წლების მანძილზე დაგროვდა არაერთი გამოცდილება, რამაც გამოავლინა პრაქტიკის და დარგის შემდგომი განვითარების მიზნებისთვის მოქმედ კანონში ცვლილებების განხორიცელება,

საქართველოს მედიატორთა ასოციაციის მხარდაჭერით და ELSA Tbilisi-ის ორგანიზებით გაიმართა საინფორმაციო შეხვედრა თემაზე: „მედიაციის პროცესი დავის გადაწყვეტის სისტემაში და მისი არსობრივ-პროცესუალური უპირატესობები“

ღონისძიებას გაუძღვა ასოციაციის აღმასრულებელი დირექტორი თამარ იმნაიშვილი.

საქართველოს მედიატორთა ასოციაციის თავმჯდომარე ირაკლი ყანდაშვილი ქუთაისში, ევროპის ცენტრალური უნივერსიტეტის სტუდენტებს შეხვდა.

სტუდენტებს ევროპის ცენტრალური უნივერსიტეტის სოციალურ მეცნიერებათა, ბიზნესისა და სამართლის ფაკულტეტის დეკანი - თეონა გრიგოლაშვილი და საქართველოს მედიატორთა ასოციაციის თავმჯდომარე - ირაკლი ყანდაშვილი მიესალმნენ.