საქართველოს მედიატორთა ასოციაციამ, გაეროს განვითარების პროგრამის (UNDP) მხარდაჭერით, მედიატორთათვის განგრძობადი პროფესიული განვითარების პროგრამის ფარგლებში, სავალდებულო ეთიკის ტრენინგი ჩაატარა.
ღონისძიება გახსნა და მონაწილეებს მიესალმა სსიპ საქართველოს მედიატორთა ასოციაციის აღმასრულებელი დირექტორი, თავმჯდომარის მოვალეობის შემსრულებელი თამარ იმნაიშვილი და UNDP-ის „კანონის უზენაესობის“ პროექტის ოფიცერი გულისა კახნიაშვილი.
ტრენინგს უძღვებოდნენ საქართველოს ადვოკატთა ასოციაციის თავმჯდომარე ირაკლი ყანდაშვილი და საქართველოს მედიატორთა ასოციაციის აღმასრულებელი საბჭოს წევრი, მედიატორი, თსუ-ის ასოცირებული პროფესორი ნათია ჩიტაშვილი.
ტრენინგის ფარგლებში განხილულ იქნა მედიატორთა პროფესიული ქცევის ეთიკური სტანდარტები, ქართული სამედიაციო პრაქტიკა და ეთიკური დილემების მართვის პრაქტიკული მიდგომები. მონაწილეებმა იმუშავეს ჯგუფურად და იმსჯელეს რეალურ კაზუსებზე.
მედიაციის ეთიკის ტრენინგის გავლა სავალდებულოა ყველა მოქმედი მედიატორისთვის და ემსახურება მედიაციის სანდოობისა და ეთიკური მდგრადობის გაძლიერებას.
ღონისძიება განხორციელდა გაეროს განვითარების პროგრამისა და გერმანიის მთავრობის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში.
