ENG

გაცნობითი სამუშაო შეხვედრა საქართველოს ახლადარჩეულ პარლამენტის თავმჯდომარესთან არჩილ თალაკვაძესთან

მედიატორის პროფესიული დღისადმი მიძღვნილი კვირეულის ფარგლებში „საქართველოს მედიატორთა ასოციაციის“ თავმჯდომარემ ირაკლი ყანდაშვილმა გაცნობითი სამუშაო შეხვედრა გამართა საქართველოს ახლადარჩეულ პარლამენტის თავმჯდომარესთან არჩილ თალაკვაძესთან.

საქართველოს პარლამენტის თავმჯდომარემ მედიატორის პროფესიული დღე მიულოცა ქართველ მედიატორებს და შემდგომი წარმატებული საქმიანობა უსურვა.

მხარეთა მიერ განხილულ იქნა სამომავლო პერსპექტივაში თანამშრომლობის ფორმატი. საქართველოს პარლამენტი სრულიად იზიარებს და მხარს უჭერს, რომ მედიაცია წარმოადგენს დავის გადაწყვეტის ალტერნატიულ ნებაყოფლობით მექანიზმს, რომელიც დავის მხარეებს აძლევს საშუალებას მათ წინაშე არსებული დავა გადაწყვიტონ თავად, მათ ინტერესზე მორგებული საბოლოო გადაწყვეტილებით აღმოფხვრან უშუალოდ კონფლიქტის საფუძვლები და დარჩნენ კმაყოფილნი.

საქართველოს პარლამენტი მზაობას აფიქსირებს მედიატორის პროფესიასთან თანამშრომლობისთვის, მათ შორის მედიაციის საკანონმდებლო რეგულირების შემდგომი დახვეწის კუთხით.
უკან
სხვა სიახლეები

სსიპ „საქართველოს მედიატორთა ასოციაციის“ თავმჯდომარემ ირაკლი ყანდაშვილმა ასოციაციის ახალ წევრებთან შეხვედრა გამართა

სსიპ „საქართველოს მედიატორთა ასოციაციის“ თავმჯდომარე ირაკლი ყანდაშვილი შეხვდა “საქართველოს მედიატორთა ასოციაციის“ ახალ წევრებს, რომლებსაც სერტიფიცირების პროგრამის დებულების შესაბამისად გაიარეს სამ საფეხურიანი სერტიფიცირების პროგრამა და გახდნენ სსიპ „საქართველოს მედიატორთა ასოციაციის“ ერთიან რეესტრში რეგისტრირებული მედიატორები.

გრიგოლ რობაქიძის უნივერსიტეტის დავის ადრეული და ეფექტური გადაწყვეტის მედიაციის ცენტრის ბაზაზე დაფუძნდა ყოველწლიური პრაქტიკულ სამეცნიერო სიმპოზიუმი მედიაციაში.

პირველი სიმპოზიუმი მიეძღვნა არასასამართლო/კერძო მედიაციის დანერგვა პოპულარიზაციის მიზნებს.

სამართლის ფორუმი

საქართველოს მედიატორთა ასოციაციის თავმჯდომარე ირაკლი ყანდაშვილი მიწვეული იყო მომხსენებლად სამართლის ფორუმზე, რომელიც გაიმართა საქართველოს ადვოკატთა ასოციაციისა და ინგლისისა და უელსის სამართლის საზოგადოების თანამშრომლობით.