„საქართველოს მედიატორთა ასოციაციამ”, გაეროს განვითარების პროგრამისა და გერმანიის მთავრობის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში, საქართველოს ადვოკატთა ასოციაციის კომიტეტების წარმომადგენლებთან სამუშაო შეხვედრა გამართა.
ღონისძიება მისასალმებელი სიტყვით გახსნეს საქართველოს მედიატორთა ასოციაციის თავმჯდომარემ, ირაკლი ყანდაშვილმა და გაეროს განვითარების პროგრამის პროექტის მენეჯერმა, ლევან ასათიანმა.
მედიატორთა ასოციაციის თავმჯდომარემ, ირაკლი ყანდაშვილმა, კომიტეტის წევრებთან შეხვედრისას ისაუბრა მედიაციის, როგორც დავის ალტერნატიული გადაწყვეტის ფორმის, მნიშვნელობაზე, მის უპირატესობებზე და განსაკუთრებული ყურადღება გაამახვილა ადვოკატთა როლზე მედიაციის პროცესში.
შეხვედრის ბოლოს გაიმართა აქტიური დისკუსია მედიაციის სფეროში არსებულ გამოწვევებსა და მისი შემდგომი განვითარების შესაძლებლობებზე.
