აღნიშნული კამპანიის ფარგლებში შეხვედრა შავი ზღვის საერთაშორისო უნივერსიტეტის ბიზნეს სკოლის სტუდენტებთან გამართა.
მონაწილეებს საქართველოს მედიატორთა ასოციაციის თავმჯდომარე - ირაკლი ყანდაშვილი, გაეროს განვითარების პროგრამის, "კანონის უზენაესობისა და მართლმსაჯულებაზე ხელმისაწვდომიბის გაუმჯობესება ყველასთვის" პროექტის მონიტორინგისა და შეფასების ოფიცერი- ივანე ჩიტაშვილი, შავი ზღვის საერთაშორისო უნივერსიტეტის პრორექტორი სამეცნიერო დარგში - თეა კბილცეცხლაშვილი მიესალმნენ.
ირაკლი ყანდაშვილმა მედიაციის შესახებ ისაუბრა და აღნიშნა, რომ ძალზედ მნიშვნელოვანია ბიზნესის წარმომადგენლებს ჰქონდეთ ცოდნა დავის ალტერნატიული მექანიზმის მედიაციის შესახებ.
შეხვედრაზე სტუდენტების მხრიდან ძალიან დიდი დაინტერესება იყო, დაისვა ბევრი საინტერესო შეკითხვა.
საქართველოს მედიატორთა ასოციაცია დონორი ორგანიზაციების მხარდაჭერით გააგრძელებს მედიაციის ინსტიტუტის გაძლიერებას და მსგავს შეხვედრებს მომავალში ხშირად გამართავს ბიზნესის სკოლების სტუდენტებისთვის.
ღონისძიება/აქტივობა განხორციელდა გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში.
