„საქართველოს მედიატორთა ასოციაციის“ ოფისში, ილია ჭავჭავაძის სახელობის სამედიაციო დარბაზში პირველად ჩატარდა სასამართლო მედიაცია. აღნიშნული მედიაცია ჩაატარეს მცხეთის რიაონული სასამართლოს მედიატორებმა: თამარ იმნაიშვილმა და თამთა დევდარიანმა.
ილია ჭაჭავაძის სახელობის სამედიაციო დარბაზის არსებობას სიმბოლური მნიშვნელობა აქვს „საქართველოს მედიატორთა ასოციაციისთვის“, რადგან ილია ჭავჭავაძის სახელს და მოღვაწეობას უკავშირდება მედიაციის ინსტიტუტის ჩამოყალიბება და განვითარება. ილია ჭავჭავაძე დიდ მნიშვნელობას ანიჭებდა სასამართლო დავების გადაწყვეტას მორიგების გზით.
„ხალხს სწრაფი და მარტივი, უფორმალო სამართალი სჭირია, დარღვეულ უფლებათა მსწრაფლ აღდგინება უნდა.“ - ილია ჭავჭავაძე (გაზეთი ივერია 1886 წლის, 19 აპრილი).
