ENG

ინტერდისციპლინური ფორუმი -„მედიაცია საქართველოში - გამოწვევები და პერსპექტივა“

საქართველოს მედიატორთა ასოციაციის“ ორგანიზებით და გაეროს განვითარების პროგრამის (UNDP) მხარდაჭერით მედიაციის დღისადმი მიძღვნილი კვირეულის ფარგლებში  გაიმართა პირველი ინტერდისციპლინური ფორუმი -„მედიაცია საქართველოში - გამოწვევები და პერსპექტივა“ . ფორუმი მიმდინარეობდა პანელური დისკუსიის რეჟიმში, რომელსაც მოდერირებას უწევდა საქართველოს მედიატორთა ასოციაციის თავმჯდომარე ირაკლი ყანდაშვილი. საზოგადოებას სიტყვით მიმართა და ფორუმის წევრებს მიესალმა საქართველოს შრომის, ჯანმრთელობისა და სოციალური დაცვის მინისტრის მოადგილე თამარ ბარკალაია, საქართველოს ნოტარიუსთა პალატის გამგეობის თავმჯდომარე დავით ფუტკარაძე,  საქართველოს პროფესიული კავშირების გაერთიანების თავმჯდომარე - ირაკლი პეტრიაშვილი და საქართველოს დამსაქმებელთა ასოციაციის აღმასრულებელი დირექტორი - ლაშა ლაბაძე.აღნიშნულ ფორუმში მონაწილეობა მიიღეს საქართველოს შრომის, ჯანმრთელობისა და სოციალური დაცვის სამინისტროს, საქართველოს მედიატორთა ასოციაციის, საქართველოს ნოტარიუსთა პალატის გამგეობის,საქართველოს პროფესიული კავშირების გაერთიანების, საქართველოს დამსაქმებელთა ასოციაციის და ევროკავშირისა და გაეროს განვითარების პროგრამის ერთბლივი პროექტის წარმომადგენლებმა.ფორუმზე მონაწილეებმა ყურადღება გაამახვილეს შრომითი და კომერციულ დავების ეფექტურად გადაწყვეტაში მედიაციის როლზე, მომხსენებლებმა ხაზი გაუსვეს ბიზნეს სექტორში  მედიაციის მნიშვნელობას. მონაწილეებმა აგრეთვე ისაუბრეს  სანოტარო მედიაციის განვითარების საჭიროებებზე და საზოგადოებაში ცნობადობის ამაღლების მიზნით მის პოპულარიზაციის გზებზე.ღონისძიების დასასრულს გაიმართა დისკუსია.

უკან
სხვა სიახლეები

ურთიერთთანამშრომლობის მემორანდუმი ქუთაისის უნივერსიტეტთან

„საქართველოს მედიატორთა ასოციაციასა“ და „ქუთაისის უნივერსიტეტს“ შორის ურთიერთთანამშრომლობის მემორანდუმი გაფორმდა

საინფორმაციო ბიულეტენი

გაეცანით "საქართველოს მედიატორთა ასოციაციის" 2021 წლის სექტემბერ - დეკემბრის აქტივობების შესახებ საინფორმაციო ბიულეტენს.

მედიაციის ცენტრების გახსნა ქუთაისის საქალაქო სასამართლოში და ქუთაისის სააპელაციო სასამართლოში

საქართველოს უზენაესი სასამართლოს თავმჯდომარემ ქალბატონმა-ნინო ქადაგიძემ და “საქართველოს მედიატორთა ასოციაციის” თავმჯდომარემ-ირაკლი ყანდაშვილმა 29 დეკემბერს, ქ. ქუთაისში საზეიმო სიმბოლური ლენტის გაჭრით გახსნეს ქუთაისის საქალაქო სასამართლოში და ქუთაისის სააპელაციო სასამართლოში სასამართლო მედიაციის ცენტრები