,,საქართველოს მედიატორთა ასოციაციის” თავმჯდომარემ, ირაკლი ყანდაშვილმა სამუშაო შეხვედრა გამართა ევროპის საბჭოს საქართველოს ოფისის ახლადდანიშნულ ხელმძღვანელთან საქართველოში, ქალბატონ ნატალია ვუტოვასთან.
შეხვედრაზე ასოციაციის თავმჯდომარემ, ევროპის საბჭოს ოფისის ხელმძღვანელს გააცნო ,,საქართველოს მედიატორთა ასოციაციის" 2020-2025 წლების სტრატეგიული განვითარების გეგმა და მედიაციის განვითარების შემდგომი საჭიროებები.
ევროპის საბჭოს ოფისის ხელმძღვანელის მხრიდან ხაზი გაესვა მედიაციის, როგორც დავის გადაწყვეტის ალტერნატიული მექანიზმის მნიშვნელობას საქართველოში.
მხარეებმა იმსჯელეს ორმხრივი თანამშრომლობის პერსპექტივებზე.
