შვედური ინსტიტუტის Swedish Institute Alumni Network დაფინანსებით და საქართველოში შვედეთის საელჩოს Embassy of Sweden in Tbilisi მხარდაჭერით, საქართველოში შვედეთის კურსდამთავრებულთა ქსელის ორგანიზებით ჩატარდა იურიდიული პროფესიების განვითარების ფორუმი.
სხვადასხვა ინსტიტუციებთან ერთად ფორუმზე მიწვეული გახლდათ - სსიპ ,,საქართველოს მედიტორთა ასოციაცია“, როგორც ქსელის პარტნიორი ორგანიზაცია. ღონისძიება მიზნად ისახავდა იურიდიულ პროფესიებში ბოლო პერიოდის მიმდინარე და დაგეგმილი ცვლილებების შედეგად არსებული მდგომარეობის და სამომავლო პერსპექტივების გაანალიზებას და აგრეთვე იურიდიულ პროფესიებში ევროპული სტანდარტების დანერგვის და ევროინტეგრაციის პროცესში მოსალოდნელი სიახლეების შეფასებას.
ღონისძიება გახსნა საქართველოში შვედეთის ელჩმა ბატონმა ულრიკ თიდესთრომი, რომელმაც მისასალმებელი სიტყვით მიმართა ფორუმის მონაწილეებს.სსიპ ,,საქართველოს მედიატორთა ასოციაციის“ სახელით ფორუმს ეწრებოდა ეთიკის კომისიის თავმჯდომარე - სოფიო დუღაშვილი, რომელმაც ისაუბრა ასოციაციის მხრიდან ბოლო პერიოდის განმავლობაში განხორციელებულ სიახლეებსა და გამოწვევებზე მედიაციის მიმართულებით.ღონისძიების დასასრულს მონაწილეებს შორის გაიმართა დისკუსია სასწავლო დაწესებულებების და პროფესიული გაერთიანებების ინტერესების დაახლოვებისა და შემდგომში საერთო აქტივობებისთვის ნიადაგის მომზადებისათვის.
„საქართველოს მედიატორთა ასოციაცია“ მუდამ მზად არის საქართველოში მედიაციის განვითარების მიზნებიდან გამომდინარე ითანამშრომლოს და მონაწილეობა მიიღოს სხვადასხვა ფორუმებსა თუ კონფერენციებში.
