ENG

მედიატორთა ტრენინგი

“საქართველოს მედიატორთა ასოციაცია“ ევროკავშირისა (EU) და გაეროს განვითარების პროგრამის (UNDP) ერთობლივი პროექტის ფარგლებში აცხადებს კონკურსს ტრენინგზე "მედიაცია და არბიტრაჟი - დავების ეფექტიანი გადაწყვეტა". მონაწილეების შერჩევა მოხდება ზუგდიდში, ბოლნისში, ახალციხესა და კახეთის რეგიონში. მედიატორების დატრენინგება მიზნად ისახავს რეგიონებში მედიატორის პროფესიის დამკვიდრებასა და სამომავლოდ, სასამართლო მედიაციის განვითარების ხელშეწყობას.

კონკურსის შედეგად შერჩეული კანდიდატები უფასოდ გაივლიან მედიატორის 60-საათიან დისტანციურ ტრენინგ კურსს. ტრენინგის ფარგლებში მონაწილეები გაეცნობიან მედიაციის საფუძვლებს, დაეუფლებიან მედიატორის უნარ-ჩვევებს, მედიაციის წარმართვის ტექნიკასა და სტრატეგიებს. კურსის წარმატებით გავლის შემთხვევაში მონაწილეებს გადაეცემათ სერტიფიკატი.

აღნიშნული ტრენინგი სსიპ„საქართველოს მედიატორთა ასოციაციის“ მედიატორთა სერტიფიცირების პროგრამის დებულების თანახმად დაგეგმილი იყო 2020 წლის მანძილზე, რასაც ხელი შეუშალა ქვეყანაში შექმნილმა ეპიდემიოლოგიურმა სიტუაციამ.

დეტალური ინფორმაცია იხილეთ ბმულზე.
უკან
სხვა სიახლეები

საქართველოს მედიატორთა ასოციაციამ მონაწილეობა მიიღო ინტელექტუალური საკითრების მსოფლიო ორგანიზაციის (WIPO) არბიტრაჟისა და მედიაციის ცენტრისა და საქპატენტის თანაორგანიზებით დაგეგმილ ვებინარში, რომელიც დავების გადაწყვეტის ალტერნატიულ მეთოდებს შეეხებოდა.

ღონისძიება გაიმართა WIPO-სა და სსიპ - ინტელექტუალური საკუთრების ეროვნულ ცენტრს ,,საქპატენტს“ შორის გაფორმებული ურთიერთგაგების მემორანდუმის ფარგლებში. ვებინარზე, საქართველოს მედიატორთა ასოციაციის თავმჯდომარემ , ირაკლი ყანდაშვილმა, საქართველოში მედიაციის პროცესის პრინციპებსა და მორიგების ხელშეკრულებების აღსრულების შესახებ, პრეზენტაცია წარადგინა.

საქართველოს მედიატორთა ასოციაციასა და აფხაზეთის ავტონომიური რესპუბლიკის მთავრობას შორის ურთიერთთანამშრომლობის მემორანდუმი გაფორმდა

მემორანდუმი მიზნად ისახავს ერთობლივი ინიციატივებისა და ღონისძიებების განხორციელებას. დოკუმენტს, საქართველოს მედიატორტა ასოციაციის თავმჯდომარემ , ირაკლი ყანდაშვილმა და აფხაზეთის ავტონომიური რესპუბლიკის მინისტრმა იუსტიციისა და სამოქალაქო ინტეგრაციის საკითხებში, ნანა გაბელიამ მოაწერეს ხელი.

ევროპის ადვოკატთა ასოციაციის (AEA-EAL) მედიაციის კომიტეტის ეგიდით, გაიმართა ვებინარი თემაზე- ადვოკატის როლი მედიაციის პროცესში.

ვებინარი ონლაინ რეჟიმში მიმდინარეობდა, რომელიც ევროპის ადვოკატთა ასოციაციის პრეზიდენტმა , მარია სლაზაკმა გახსნა.