ENG

მემორანდუმი ბათუმის შოთა რუსთაველის სახელმწიფო უნივერსიტეტთან

"საქართველოს მედიატორთა ასოციაციას" ურთიერთთანამშრომლობის მემორანდუმით "ბათუმის შოთა რუსთაველის სახელმწიფო უნივერსიტეტი" შემოუერთდა. მედიაციის დანერგვისა და განვითარების საქმეში უნივერსიტეტების ჩართულობა მნიშვნელოვანია. უნივერსიტეტებთნ ურთიერთთანამშრომლობის პროცესი გრძელდება და 22 ივლისს, გამოფორმდა ურთიერთთანამშრომლობის მემორანდუმი "საქართველოს მედიატორთა ასოციაციასა" და "ბათუმის შოთა რუსთაველის სახელმწიფო უნივერსიტეტს" შორის. მემორანდუმის ხელმომწერნი არიან "საქართველოს მედიატორთა ასოციაციის“ თავმჯდომარე ირაკლი ყანდაშვილი და "ბათუმის შოთა რუსთაველის სახელმწიფო უნივერსიტეტის" რექტორი მერაბ ხალვაში. 
მემორანდუმის მიზანია მხარეთა საერთო ინტერესების სფეროში შემავალ აქტუალურ საკითხებზე თანამშრომლობა, მედიაციის ინსტიტუტის განვითარებისა და პოპულარიზაციის მიზნით, ერთობლივი ღონისძიებების, პროექტებისა და ინიციატივების განხორციელება. თანამშრომლობის ფორმატში სამომავლოდ დაიგეგმა, აჭარის რეგიონში ბსუ-ს მედიაციის ძირითად ცენტრად ფორმირება.
უკან
სხვა სიახლეები

ADR თემაზე ორგანიზებული სასწავლო ვიზიტი დიდ ბრიტანეთსა და ირლანდიაში

“საქართველოს მედიატორთა ასოციაციის“ თავმჯდომარე ირაკლი ყანდაშვილი იმყოფებოდა ADR თემაზე ორგანიზებული სასწავლო ვიზიტით დიდ ბრიტანეთსა და ირლანდიაში, რომელიც განხორციელდა გლობალური საქართველოს ქსელის მიერ შვედეთის მთავრობის მხარდაჭერით, USAID-ის სამართლის უზენაესობის პროგრამასთან თანამშრომლობით.

რეგიონალური კონფერენცია - ,,ინვესტიციები და დავის გადაწყვეტის ალტერნატიული მექანიზმები ენერგეტიკის სექტორში“.

სსიპ საქართველოს მედიატორთა ასოციაციის ეთიკის კომისიის თავმჯდომარემ - სოფიო დუღაშვილმა მონაწილეობა მიიღო რეგიონალურ კონფერენციაზე - ,,ინვესტიციები და დავის გადაწყვეტის ალტერნატიული მექანიზმები ენერგეტიკის სექტორში

საჯარო ლექცია თემაზე: „მედიაცია - დავის ეფექტურად რეგულირების ახალი შესაძლებლობა“

საქართველოს მედიატორთა ასოციაციის თავმჯდომარემ, ირაკლი ყანდაშვილმა საქართველოს მედიატორთა ასოციაციასა და კავკასიის საერთაშორისო უნივერსიტეტს შორის გაფორმებული ურთიერთთანამშრომლობის მემორანდუმის ფარგლებში, საჯარო ლექცია გამართა უნივერსიტეტის ბიზნესისა და სოციალურ მეცნიერებათა ფაკულტეტების სტუდენტებისთვის, თემაზე: „მედიაცია - დავის ეფექტურად რეგულირების ახალი შესაძლებლობა“.