ENG

მიმდინარეობს განაცხადების მიღება!

მედიატორთა სერტიფიცირების პროგრამის მოთხოვნათა შესაბამისად, კერძოდ, მე-10.2 მუხლის თანახმად 2020 წლის 01 სექტემბრიდან დაიწყო და მიმდინარეობს დაინტერესებული პირების განცხადებების მიღება, რაც გაგრძელდება 2020 წლის 30 ნოემბრის ჩათვლით.
შეგახსენებთ, „საქართველოს მედიატორთა ასოციაციაში“ გაწევრიანებით დაინტერესებულმა პირებმა მედიატორთა სერტიფიცირების პროგრამის მე-10.2 მუხლის თანახმად განცხადებით უნდა მიმართონ ასოციაციას, კერძოდ:

• პირებს, რომელთაც „მედიაციის შესახებ“ საქართველოს კანონის ამოქმედებამდე უფიქსირდებათ თბილისის საქალაქო სასამართლოს, რუსთავის საქალაქო სასამართლოს, მცხეთის რაიონულ სასამართლოს და გორის რაიონულ სასამართლოში მედიატორად ან/და თანა-მედიატორად საქმიანობის ფაქტი. პირად განცხადებასთან ერთად უნდა წარმოადგინონ სასამართლოს მიე გაცემული ცნობა;
• მედიაციის/მედიატორის ტრენინგის აღიარების მიზნით, ასოციაციას შესაძლებელია მიმართოს იმ ინსტიტუციამ, რომელმაც განახორციელა მსგავსი პირებისათვის მედიაციის/მედიატორის ტრენინგის ჩატარება. აღნიშნულ შემთხვევაში, აღიარების შესახებ განაცხადს უნდა ერთვოდეს გავლილი კურსის აღწერა, მეთოდოლოგია , დღის-წესრიგი და ტრენინგის მონაწილე პირის თანხმობა.
• იმ პირებს, რომელთაც მედიატორთა სერტიფიცირების პროგრამის დებულების დამტკიცებამდე გავლილი აქვთ მედიაციის/მედიატორის ტრენინგი, მინიმუმ 40 საათიანი სწავლება, აღნიშნული სწავლების აღიარების მიზნით პირად განცხადებასთან ერთად უნდა წარმოადგინონ მედიაციის/მედიატორის კურსის გავლის დამადასტურებელი სერტიფიკატი; გავლილი კურსის აღწერა, მეთოდოლოგია და კურსის დღის-წესრიგი.

დაინტერესებულ პირებს გთხოვთ, შეავსოთ განაცხადი

„საქართველოს მედიატორთა ასოციაცია“ წარმატებებს უსურვებს ყველა დაინტერესებულ პირს, მოუწოდებს მათ გაეცნონ მედიატორთა სერტიფიცირების პროგრამას და იმოქმედონ მის შესაბამისად და დადგენილ ვადებში. მედიატორთა სერტიფიცირების პროგრამა
უკან
სხვა სიახლეები

საერთაშორისო ვებინარი- „მედიაცია საზღვართშორისი ბიზნეს დავები”

საქართველოს მედიატორთა ასოციაციის თავმჯდომარე- ირაკლი ყანდაშვილმა, როგორც ევროპის ადვოკატთა ასოციაციის მედიაციის კომიტეტის ხელმძღვანელმა მოდერირება გაუწია საერთაშორისო ვებინარს- „მედიაცია საზღვართშორისი ბიზნეს დავები”

შეხვედრა ქართულ-ამერიკული უნივერსიტეტის ბიზნეს სკოლის სტუდენტებთან

გრძელდება საქართველოს მედიატორთა ასოციაციის გაეროს განვითარების პროგრამის მხარდაჭერით დაწყებული კამპანია, რომლის მიზანია მედიაციის არსი და რაობა გააცნოს ბიზნეს სკოლების სტუდენტებს, მომავალი ბიზნესის წარმომადგენლებს საქართველოში.

სამუშაო შეხვედრა აღმოსავლეთ საქართველოში ახლად გახსნილი სასამართლოს მედიაციის ცენტრის წარმომადგენლებთან

„საქართველოს მედიატორთა ასოციაციის ინსტიტუციური გაძლიერებისა და მედიაციის განვითარების პროექტის“ ფარგლებში სამუშაო შეხვედრა გაიმართა აღმოსავლეთ საქართველოში ახლად გახსნილი სასამართლოს მედიაციის ცენტრის წარმომადგენლებთან.