ENG

ონლაინ დისკუსია თემაზე - „სასამართლო და კერძო მედიაციის საკანონმდებლო გარანტიები საქართველოში“

მედიატორის პროფესიული დღისადმი მიძღვნილი კვირეულის ფარგლებში ონლაინ ფორმატში გაიმართა ვებინარი თემაზე - „სასამართლო და კერძო მედიაციის საკანონმდებლო გარანტიები საქართველოში“.

დისკუსია გახსნეს: თსუ-ის იურიდიული ფაკულტეტის დეკანმა - თამარ ზარანდიამ; თსუ- ის იურიდიული ფაკულტეტის პროფესორმა ირაკლი ბურდულმა; " საქართველოს მედიატორთა ასოციაციის" თავმჯდომარემ - ირაკლი ყანდაშვილმა;

ვებინარს უძღვებოდნენ: თსუ-ის ასოცირებული პროფესორი, NCADR-ის აღმასრულებელი დირექტორი - ნათია ჩიტაშვილი და NCADR-ის ექსპერტი, თსუ - ის იურიდიული ფაკულტეტის ლექტორი - აკაკი გაწერილია.

დისკუსიის ფარგლებში მომხსენებლებმა განიხილეს მედიაცია დავის გადაწყვეტის სამართლებრივი პროცესი და მისი ინსტიტუციონალიზაცია დავის გადაწყვეტის სისტემაში; მედიაციის არსობრივ-პროცედურული უპირატესობები; მედიაციის შესახებ დათქმის ნამდვილობის წინაპირობები; სამედიაციო მორიგების უზრუნველყოფისა და აღსრულების, კონფიდენციალურობის საკანონმდებლო და სახელშეკრულებო გარანტიები.

ონლაინ დისკუსიის მასპინძელი გახლდათ საქართველოს ივანე ჯავახიშვილის თბილისის სახელმწიფო უნივერსიტეტი.
უკან
სხვა სიახლეები

ესეების კონკურსი სტუდენტებისთვის მედიაციაში!

სსიპ „საქართველოს მედიატორთა ასოციაცია“ აცხადებს ესეების კონკურსს უნივერსიტეტების სტუდენტებისთვის თემაზე : „მედიაციის შედარებითი უპირატესობა დავის გადაწყვეტის სხვა მექანიზმებთან“.

სსიპ „საქართველოს მედიატორთა ასოციაციის“ წევრთა ერთიანი რეესტრი ფართოვდება!

9 სექტემბერს, სსიპ „საქართველოს მედიატორთა ასოციაციის“ თავმჯდომარე ირაკლი ყანდაშვილი შეხვდა “საქართველოს მედიატორთა ასოციაციის“ ახალ წევრებს, რომლებსაც სერტიფიცირების პროგრამის დებულების მე-10.2 მუხლის ა) ქვეპუნქტის წესის საფუძველზე შესაძლებლობა მიეცათ გამხდარიყვნენ სსიპ „საქართველოს მედიატორთა ასოციაციის“ ერთიან რეესტრში რეგისტრირებული მედიატორები

მორიგი სამედიაციო სესია

სსიპ "საქართველოს მედიატორთა ასოციაცია" მემორანდუმის ფარგლებში აგრძელებს ურთიერთთანამშრომლობას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან