ENG

ონლაინ საერთაშორისო კონფერენცია თემაზე: “მედიატორის პროფესიული ეთიკა და პროფესიული გამოწვევები”.

“საქართველოს მედიატორთა ასოციაციის” და საერთაშორისო სამართლებრივი თანამშრომლობის გერმანული ფონდის (IRZ) თანამშრომლობით შედგა ონლაინ საერთაშორისო კონფერენცია თემაზე: “მედიატორის პროფესიული ეთიკა და პროფესიული გამოწვევები”.

კონფერენციაზე განხილულ იქნა “საქართველოს მედიატორთა ასოციაციის” მიერ შემუშავებული მედიატორთა პროფესიული ეთიკის კოდექსის პროექტი, რომლის შინაარსობრივ მხარეზე ქართველმა მედიატორებმა (კოდექსის პროექტზე მომუშავე სამუშაო ჯგუფის წევრებმა) მოისმინეს გერმანელი ექსპერტის, მედიატორი ქალბატონ ინგრიდ ჰონლინგერის (მედიატორი, გერმანიის პარლამენტის ყოფილი წევრი, გერმანიის მედიაციის შესახებ კანონის თანაავტორი) მოსაზრებები პროექტის შემდგომი დახვეწის მიზნით.

ღონისძიება დაიგეგმა “საქართველოს მედიატორთა ასოციაციის” და გერმანიის ადვოკატთა ასოციაციის დავების გადაწყვეტის ალტერნატიული მექანიზმის კომიტეტის ეგიდით.
უკან
სხვა სიახლეები

რეგიონალური კონფერენცია - ,,ინვესტიციები და დავის გადაწყვეტის ალტერნატიული მექანიზმები ენერგეტიკის სექტორში“.

სსიპ საქართველოს მედიატორთა ასოციაციის ეთიკის კომისიის თავმჯდომარემ - სოფიო დუღაშვილმა მონაწილეობა მიიღო რეგიონალურ კონფერენციაზე - ,,ინვესტიციები და დავის გადაწყვეტის ალტერნატიული მექანიზმები ენერგეტიკის სექტორში

საჯარო ლექცია თემაზე: „მედიაცია - დავის ეფექტურად რეგულირების ახალი შესაძლებლობა“

საქართველოს მედიატორთა ასოციაციის თავმჯდომარემ, ირაკლი ყანდაშვილმა საქართველოს მედიატორთა ასოციაციასა და კავკასიის საერთაშორისო უნივერსიტეტს შორის გაფორმებული ურთიერთთანამშრომლობის მემორანდუმის ფარგლებში, საჯარო ლექცია გამართა უნივერსიტეტის ბიზნესისა და სოციალურ მეცნიერებათა ფაკულტეტების სტუდენტებისთვის, თემაზე: „მედიაცია - დავის ეფექტურად რეგულირების ახალი შესაძლებლობა“.

საერთაშორისო კონფერენცია - „მედიაციის გამოყენების პროცესში არსებული ტენდენციები, რისკები და შესაძლებლობები“.

„საქართველოს მედიატორთა ასოციაციის“ თავმჯდომარე ირაკლი ყანდაშვილმა და ასოციაციის აღმასრულებელმა მდივანმა თამარ იმნაიშვილმა მონაწილეობა მიიღეს საერთაშორისო კონფერენციაში „მედიაციის გამოყენების პროცესში არსებული ტენდენციები, რისკები და შესაძლებლობები“