ENG

პირველი ყოველწლიური საერთაშორისო ფორუმი “მედიაცია იურისტებისთვის”

"საქართველოს მედიატორთა ასოციაციის” და “საქართველოს ადვოკატთა ასოციაციის” ერთობლივი ინიციატივით, USAID-PROLoG - Promoting Rule of Law in Georgia Activity მხარდაჭერით დაფუძნდა ყოველწლიური საერთაშორისო ფორუმი “მედიაცია იურისტებისთვის”, რომელიც ყოველ წელს გაიმართება. საერთაშორისო ფორუმი “მედიაცია იურისტებისათვის” გახსნა და მოდერირება გაუწია საქართველოს მედიატორთა ასოციაციის თავმჯდომარემ - ირაკლი ყანდაშვილმა. ფორუმზე, დამსწრე საზოგადოებას სიტყვით მიმართა, საქართველოს უზენაესი სასამართლოს თავმჯდომარემ, ნინო ქადაგიძემ, საქართველოს იუსტიციის მინისტრის პირველმა მოადგილემ თამარ ტყეშელაშვილმა, USAID-ის მისიის დირექტორმა პიტერ ვიბლერმა, ევროპის ადვოკატთა ასოციაციის თავმჯდომარემ მარია სლაზაკმა და საქართველოს ადვოკატთა ასოციაციის თავმჯდომარემ დავით ასათიანმა. ფორუმში მონაწილეობას ასევე იღებდნენ სხვადასხვა ქვეყნიდან მოწვეული უცხოელი ექსპერტები, რომლებმაც მონაწილეებს გაუზიარეს თავიანთი ქვეყნის პრაქტიკა და გამოცდილება. საერთაშორისო ფორუმის მონაწილეებმა ერთმნიშვნელოვნად აღნიშნეს თუ რა დიდი მნიშვნელობა აქვს წარმომადგენლის როლს მედიაციის პროცესში. საერთაშორისო ფორუმის „მედიაცია იურისტებისთვის“ დაფუძნება არის ძალზედ კარგი შესაძლებლობა იურისტებისათვის ყოველწლიურად გაეცნონ დავის რეგულირების ალტერნატიული მექანიზმის შესახებ სიახლეებს. ღონისძიების დასასრულს ხელი მოეწერა ქარტიას, რომელიც მიზნად ისახავს შესაძლებლობის ფარგლებში მედიაციის განვითარების ხელშეწყობას. “საქართველოს მედიატორთა ასოციაცია” აგძელებს მედიაციის პოპულარიზაციისთვის აქტიურ კამპანიას და გეგმავს არაერთი სხვა მუდმივმოქმედი პლატფორმის შექმნას, რაც ხელს შეუწყობს მედიაციის შემდგომ განვითარებას საქართველოში.
უკან
სხვა სიახლეები

„საქართველოს მედიატორთა ასოციაციის" ორგანიზებით და დონორი ორგანიზაციის გაეროს ბავშვთა ფონდის (UNICEF)_ის მხარდაჭერით, ასოციაციის წევრებისათვის ჩატარდა ტრენინგი თემაზე "ბავშვებთან დაკავშირებული ფსიქოლოგიური ასპექტები სამოქალაქო მედიაციაში"

„საქართველოს მედიატორთა ასოციაციის" ორგანიზებით და დონორი ორგანიზაციის გაეროს ბავშვთა ფონდის (UNICEF)_ის მხარდაჭერით, ასოციაციის წევრებისათვის ჩატარდა ტრენინგი თემაზე "ბავშვებთან დაკავშირებული ფსიქოლოგიური ასპექტები სამოქალაქო მედიაციაში"

“საქართველოს მედიატორთა ასოციაციის" თავმჯდომარე ირაკლი ყანდაშვილი და ასოციაციის აღმასრულებელი მდივანი თამარ იმნაიშვილი ივანე ჯავახიშვილის სახელობის უნივერსიტეტის სტუდენტებს შეხვდნენ

“საქართველოს მედიატორთა ასოციაციის" თავმჯდომარე ირაკლი ყანდაშვილი და ასოციაციის აღმასრულებელი მდივანი თამარ იმნაიშვილი ივანე ჯავახიშვილის სახელობის უნივერსიტეტის სტუდენტებს შეხვდნენ

“საქართველოს მედიატორთა ასოციაცია” აქტიურად აგძელებს მედიაციის პოპულარიზაციას და განვითარებას

“საქართველოს მედიატორთა ასოციაცია” აქტიურად აგძელებს მედიაციის პოპულარიზაციას და განვითარებას. სწორედ ამ მიზნით 22 ნოემბერს ხელი მოეწერა ქარტიას,რომელითაც მაღალი სოციალური პასუხისმგებლობის მქონე ინსტიტუციებმა გამოხატეს მზაობა შესაძლებლობის ფარგლებში ხელი შეუწყონ მედიაციის განვითარებას.