ENG

საერთაშორისო ონლაინ კონფერენცია

„საქართველოს მედიატორთა ასოციაციის“ თავმჯდომარემ ირაკლი ყანდაშვილმა მონაწილეობა მიიღო ევროპის ადვოკატთა ასოციაციის (AEA-EAL) ორგანიზებით “Twinnig for lawyers” პროგრამის ფარგლებში მესამე საერთაშორისო კონფერენციაში.

ირაკლი ყანდაშვილმა, კონფერენციაზე მოდერირება გაუწია პანელს - “ დავის გადაწყვეტის ალტერნატიული მექანიზმები - სასამართლოს გადატვირთულობის შემცირება და მართლმსაჯულებაზე ხელმისაწვდომობის გაზრდა“. აღნიშნულ პანელში მონაწილეობას იღებდნენ მედიაციის კომიტეტის წევრები 12 ქვეყნიდან.

შეხვედრის მონაწილეებს ევროპის ადვოკატთა ასოციაციის (AEA-EAL) პრეზიდენტი - მარია სლაზაკი, ევროპის თანამშრომლობის პროგრამის ხელძღვანელი - ლილია გრეტარსდოტირი და სომხეთის ადვოკატთა ასოციაციის თავმჯდომარე სიმონ ბაბაიანი მიესალმნენ.

„საქართველოს მედიატორთა ასოციაცია“ მზად არის გააგრძელოს აქტიური თანამშრომლობა და ჩართულობა საერთაშორისო პარტნიორებთან მსოფლიო მასშტაბით.
უკან
სხვა სიახლეები

საინფორმაციო ბიულეტენი

გაეცანით "საქართველოს მედიატორთა ასოციაციის" 2023 წლის იანვარი - აპრილის აქტივობების შესახებ საინფორმაციო ბიულეტენს.

საქართველოს მედიატორთა ასოციაციის თავმჯდომარე, ირაკლი ყანდაშვილი ტექნიკური უნივერსიტეტის სტუდენტებს შეხვდა

შეხვედრა აფხაზეთის ავტონომიური რესპუბლიკის მთავრობასთან ურთიერთთანამშრომლობის ფარგლებში მიმდინარეობდა და მასში აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, იუსტიციის, სამოქალაქო ინტეგრაციის საკითხებში აფხაზეთის მინისტრი ნანა გაბელია და იურიდიული დახმარების სამსახურის დირექტორი დავით სიმონია მონაწილეობდნენ.

კონფერენცია - "შრომითი უფლებები სამოქალაქო საზოგადოებისთვის“

სსიპ საქართველოს მედიატორთა ასოციაციის ეთიკის კომისიის თავმჯდომარემ - სოფიო დუღაშვილმა მონაწილეობა მიიღო კონფერენციაზე - "შრომითი უფლებები სამოქალაქო საზოგადოებისთვის“, რომელიც გაიმართა იუსტიციის სასწავლო ცენტრის და “შვედეთის კურსდამთავრებულთა ქსელის საქართველოში” ორგანიზებით.