14 აპრილს, “საქართველოს მედიატორთა ასოციაციასა“ და გლობალური შეთანხმების საქართველოს ქსელის (global compact Georgia) ორგანიზებით გაიმართა სამუშაო შეხვედრა და დისკუსია - მედიაცია - დავის გადაწყვეტის უალტერნატივო მექანიზმი ბიზნესსექტორში.
ღონისძიება გახსნა - „საქართველოს მედიატორთა ასოციაციის“ თავმჯდომარემ ირაკლი ყანდაშვილმა, გლობალური შეთანხმების საქართველოს ქსელის ხელმძღვანელმა - სალომე ზურაბიშვილმა და საქართველოს მთავრობის ადმინისტრაციის ადამიანის უფლებათა სამდივნოს უფროსმა - მაკა ფერაძემ.
„საქართველოს მედიატორთა ასოციაციის“ თავმჯდომარემ ირაკლი ყანდაშვილმა ისაუბრა „საქართველოს მედიატორთა ასოციაციის“ საქმიანობის შესახებ. ღონისძიების ფარგლებში მედიატორებმა ელენე ორჯონიკიძემ და სოფიო ჩაჩავამ ბიზნესის წარმომადგენლებს გააცნეს მედიაციის ფორმები, დავებთან დაკავშირებული მნიშვნელოვანი ფაქტები და ის სერვისები, რომელსაც მედიატორთა ასოციაცია ბიზნესს სთავაზობს;
ღონისძიების დასასრულს გაიმართა დისკუსია.
სამუშაო შეხვედრა გაიმართა შვედეთის მთავრობის მხარდაჭერით.
