მედიაციის კვირეულის ფარგლებში “საქართველოს მედიატორთა ასოციაციის” თავმჯდომარე ირაკლი ყანდაშვილმა სამუშაო შეხვედრა გამართა “ფოთის თავისუფალი ინდუსტრიული ზონის“ დირექტორთან დავით ებრალიძესთან, შეხვედრას ასევე ესწრებოდნენ ფოთის თიზ-ის წარმომადგენლები.
შეხვედრაზე ირაკლი ყანდაშვილმა განსაკუთრებული ყურადღება დაუთმო იმ უპირატესობებს, რომლებიც ბიზნეს დავის მონაწილე მხარეებისთვის უალტერნატივოა, რათა მოახდინონ საკუთარი ინტერესების სწრაფი და ეფექტური რეალიზაცია სწორედ მედიაციის გამოყენებით.
მხარეებმა განიხილეს სამომავლო პერსპექტივაში თანამშრომლობის ფორმატი და ის განსახორციელებელი ერთობლივი პროექტები, რომლებიც მიზნად ისახავს მედიაციის, როგორც დავის გადაწყვეტის ახალი მექანიზმის გაცნობას ბიზნეს სექტორისთვის.
