21 მაისს ამერიკის შეერთებული შტატების საერთაშორისო განვითარების სააგენტოს (USAID) კანონის უზენაესობის მხარდაჭერის პროექტი საქართველოში (PROLoG) - ის მხარდაჭერითა და ბრიტანელი ექსპერტის ჩართულობით ჩატარდა სამუშაო შეხვედრა, რომელიც ითვალისწინებს მედიატორთა განგრძობადი პროფესიული განათლების სავალდებულო სისტემის კონცეფციის შექმნას და დანერგვას საქართველოში.
სამუშაო ჯგუფი შედგება „საქართველოს მედიატორთა ასოციაციის“ აღმასრულებელი საბჭოს წევრებისაგან, მოქმედი მედიატორებისგან, ადვოკატთა კორპუსის და სასამართლო სისტემის წარმომადგენლებისგან.
მნიშვნელოვანია რომ, 2022 წლიდან ყველა მედიატორი დაექვემდებარება სავალდებულო პროფესიულ განვითარების კურსებს, რაც საზოგადოებაში აღნიშნული პროფესიისადმი დამატებითი ნდობის მოპოვების და ხარისხიანი და უსაფრთხო მედიაციის შექმნის გარანტი გახდება საქართველოში.
