საქართველოს მედიატორთა ასოციაციამ , გაეროს განვითარების პროგრამისა და გერმანიის მთავრობის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში საქართველოს ადვოკატთა ასოციაციიის "ახალგაზრდა ადვოკატთა კომიტეტის წევრებთან გამართა სამუშაო შეხვედრა.
ღონისძიება მისასალმებელი სიტყვით გახსნეს საქართველოს მედიატორთა ასოციაციის თავმჯდომარემ ირაკლი ყანდაშვილმა და გაეროს განვითარების პროგრამის პროექტის ოფიცერმა ივანე ჩიტაშვილმა.
გამომსვლელებმა ყურადღება გაამახვილეს პროექტის მნიშვნელობაზე სამართლებრივი სახელმწიფოს გაძლიერებისა და მართლმსაჯულებაზე თანაბარი ხელმისაწვდომობის უზრუნველყოფის პროცესში.
მედიატორთა ასოციაციის თავმჯდომარემ, ირაკლი ყანდაშვილმა, კომიტეტის წევრებთან შეხვედრისას ისაუბრა მედიაციის, როგორც ალტერნატიული დავის გადაწყვეტის ფორმის, მნიშვნელობაზე, მის უპირატესობებზე და განსაკუთრებული ყურადღება გაამახვილა ადვოკატთა როლზე მედიაციის პროცესში.
შეხვედრის დასასრულს გაიმართა აქტიური დისკუსია მედიაციის სისტემაში არსებულ გამოწვევებსა და მისი შემდგომი განვითარების შესაძლებლობებზე
