15 დეკემბერს მედიაციის დღისადმი მიძღვნილი კვირეულის ფარგლებში „საქართველოს მედიატორთა ასოციაციის“ ორგანიზებით და გაეროს განვითარების პროგრამის (UNDP) მხარდაჭერით გაიმართა სამუშაო შეხვედრა „სინგაპურის კონვენციის როლი და მნიშვნელობა საქართველოსთვის“ .ღონისძიება მისასალმებელი სიტყვით გახსნა სსიპ "საქართველოს მედიატორთა ასოციაციის" თავმჯდომარემ ირაკლი ყანდაშვილმა, საქართველოს იუსტიციის მინისტრის მოადგილემ აკაკი საღირაშვილმა და ევროკავშირისა და გაეროს განვითარების პროგრამის ერთობლივი პროექტის მენეჯერმა ლიანა ქარცივაძემ. ღონისძიებაზე ხაზი გაესვა სინგაპურის კონვენციის როლსა და მნიშვნელობას საქართველოში.
