საქართველოს მედიატორთა ასოციაციის თავმჯდომარემ, ირაკლი ყანდაშვილმა, საპენსიო საკითხებზე შექმნილ სამუშაო ჯგუფთან შეხვედრა გამართა.
შეხვედრის მიზანი იყო ჯგუფის წევრებისთვის იმ სიახლეებისა და მიმდინარე პროცესების წარდგენა, რომლებიც მედიატორთა საპენსიო უზრუნველყოფის მიმართულებით მიმდინარეობს.
აღსანიშნავია, რომ საქართველოს მედიატორთა ასოციაცია აქტიურად თანამშრომლობს სსიპ სოციალურ მომსახურების სააგენტოსთან და სხვა შესაბამის სახელმწიფო უწყებებთან. თანამშრომლობის მიზანია საპენსიო ასაკის მიღწეული მედიატორებისთვის სახელმწიფო პენსიით უზრუნველყოფის პროცესში არსებული პრობლემების გადაჭრა.
მოცემული საკითხის სენსიტიურობიდან და მნიშვნელობიდან გამომდინარე, ასოციაცია მუდმივად იყენებს სამუშაო შეხვედრების, კონსულტაციების და ინფორმაციის გაცვლის სხვადასხვა ფორმატს. განსაკუთრებული ყურადღება ეთმობა იმას, რომ საპენსიო სტატუსის მქონე მედიატორებს მიეცეთ შესაძლებლობა, სამედიაციო საქმიანობის პარალელურად, შეუფერხებლად მიიღონ მათთვის განკუთვნილი სახელმწიფო პენსია
