ENG

„საქართველოს მედიატორთა ასოციაცია“ გაეროს გლობალურ შეთანხმების საქართველოს ქსელს შეუერთდა

გაეროს გლობალურ შეთანხმების საქართველოს ქსელის წევრები არიან კომპანიები, ბიზნეს ასოციაციები, არასამთავრობო ორგანიზაციები, საგანმანათლებლო/აკადემიური დაწესებულებები. ქსელის მისიაა, საქართველოში, გაეროს მდგრადი განვითარების მიზნების განხორციელებაში წვლილის შეტანა. გაეროს გლობალური შეთანხმება (UN Global Compact) არის მსოფლიოში ყველაზე დიდი კორპორაციული მდგრადობის ინიციატივა, რომელიც ხელს უწყობს ხალხისთვის, საზოგადოებისა და ბაზრისთვის მდგრადი და ინკლუზიური გლობალური ეკონომიკის შექმნას.

„საქართველოს მედიატორთა ასოციაციამ“ გაეროს გლობალურ შეთანხმების ქსელთან აქტიური თანამშრომლობა გასულ წელს დაიწყო, რომლის ფარგლებში ასოციაციამ საინფორმაციო შეხვედრები ჩაუტარა ბიზნესის წარმომადგენლებს დავის გადაწყვეტის ალტერნატიული მექანიზმის - მედიაციის შესახებ.
თანამშრომლობის ფარგლებში, „საქართველოს მედიატორთა ასოციაციამ“ და გლობალური შეთანხმების საქართველოს ქსელმა მოამზადეს საინფორმაციო ბროშურა და ვიდეორგოლი მედიაციის მნიშვნელობის შესახებ.

„საქართველოს მედიატორთა ასოციაცია“ სრულ მზადყოფნას გამოთქვამს ითანამშრომლებს გაეროს გლობალურ შეთანხმების საქართველოს ქსელთან.
უკან
სხვა სიახლეები

გრძელდება მედიატორებს შორის გამოცდილების გაზიარების შეხვედრები, რომელიც მხარდაჭერილია გაეროს განვითარების პროგრამის მიერ.

ღონისძიებაში მონაწილეებს საქართველოს მედიატორთა ასოციაციის თავმჯდომარე - ირაკლი ყანდაშვილი და გაეროს განვითარების პროგრამის "კანონის უზენაესობისა და მართლმსაჯულებაზე ხელმისაწვდომიბის გაუმჯობესება ყველასთვის" პროექტის ოფიცერი - ივანე ჩიტაშვილი მიესალმნენ.

სამუშაო შეხვედრა საქართველოს ადვოკატთა ასოციაციის კომიტეტების წარმომადგენლებთან

„საქართველოს მედიატორთა ასოციაციამ”, გაეროს განვითარების პროგრამისა და გერმანიის მთავრობის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში, საქართველოს ადვოკატთა ასოციაციის კომიტეტების წარმომადგენლებთან სამუშაო შეხვედრა გამართა.

მედიაცია გლობალურ აკადემიურ კონტექსტში — გრიგოლ რობაქიძის უნივერსიტეტმა საერთაშორისო სამეცნიერო სიმპოზიუმს უმასპინძლა

2024 წლის 24 ივნისს, გრიგოლ რობაქიძის სახელობის უნივერსიტეტში გაიმართა საერთაშორისო პრაქტიკული სამეცნიერო სიმპოზიუმი, რომელიც მიძღვნილი იყო მედიაციის თემატიკას. ღონისძიება ორგანიზებული იყო უნივერსიტეტის მედიაციის ცენტრისა და საქართველოს მედიატორთა ასოციაციის ერთობლივი ძალისხმევით და გაიმართა საერთაშორისო კონფერენციის ფორმატში.