“საქართველოს მედიატორთა ასოციაცია” აქტიურად აგძელებს მედიაციის პოპულარიზაციას და განვითარებას. სწორედ ამ მიზნით 22 ნოემბერს ხელი მოეწერა ქარტიას,რომელითაც მაღალი სოციალური პასუხისმგებლობის მქონე ინსტიტუციებმა გამოხატეს მზაობა შესაძლებლობის ფარგლებში ხელი შეუწყონ მედიაციის განვითარებას. ქარტიაზე ხელმოწერით მხარდაჭერა გამოხატეს საქართველოს უზენაესი სასამართლოს თავმჯდომარემ - ნინო ქადაგიძემ, საქართველოს იუსტიციის მინისტრის პირველმა მოადგილემ- თამარ ტყეშელაშვილმა, „საქართველოს ადვოკატთა ასოციაციის“ თავმჯდომარემ- დავით ასათიანმა და „საქართველოს მედიატორთა ასოციაციის“ თავმჯდომარემ - ირაკლი ყანდაშვილმა. სსიპ საქართველოს მედიატორთა ასოციაციის თავმჯდომარემ ირაკლი ყანდაშვილმა ხელმომწერ ინსტიტუციების წარმომადგენლებს მადლობა გადაუხადა მედიაციის განვითარების პროცესში შეტანილი წვლილისთვის და აღნიშნა, რომ ურთიერთთანამშრომლობა და მხარდაჭერა უაღრესად მნიშვნელოვანი და სამაგალითოა სსიპ „საქართველოს მედიატორთა ასოციაციის“ განვითარების ამ უმნიშვნელოვანეს ეტაპზე.
