საქართველოს მედიატორთა ასოციაციამ გაეროს განვითარების პროგრამის მხარდაჭერით დაიწყო ახალი კამპანია, რომლის მიზანია მედიაციის არსი და რაობა გააცნოს ბიზნეს სკოლების სტუდენტებს, მომავალი ბიზნესის წარმომადგენლებს საქართველოში.
აღნიშნული კამპანიის ფარგლებში პირველი მსგავსი შეხვედრა გრიგოლ რობაქიძის უნივერსიტეტის ბიზნეს სკოლის სტუდენტებთან გამართა.
მონაწილეებს საქართველოს მედიატორთა ასოციაციის თავმჯდომარე - ირაკლი ყანდაშვილი, გაეროს განვითარების პროგრამის, "კანონის უზენაესობისა და მართლმსაჯულებაზე ხელმისაწვდომიბის გაუმჯობესება ყველასთვის" პროექტის მონიტორინგისა და შეფასების ოფიცერი გულისა კახნიაშვილი, გრიგოლ რობაქიძის სახელობის უნივერსიტეტის რექტორი მამუკა თავხელიძე და გრიგოლ რობაქიძის სახელობის უნივერსიტეტის ბიზნესის სკოლის დეკანი ვახტანგ ჭარაია მიესალმნენ.
შეხვედრას მოდერირებას უწევდა გრიგოლ რობაქიძის უნივერსიტეტის ბაზაზე შექმნილი მედიაციის ცენტრის ხელმძღვანელი -ნინა გერსამია
ირაკლი ყანდაშვილმა მედიაციის შესახებ ისაუბრა და აღნიშნა, რომ ძალზედ მნიშვნელოვანია ბიზნესის წარმომადგენლებს ჰქონდეთ ცოდნა დავის ალტერნატიული მექანიზმის მედიაციის შესახებ.
შეხვედრაზე სტუდენტების მხრიდან ძალიან დიდი დაინტერესება იყო, დაისვა ბევრი საინტერესო შეკითხვა.
საქართველოს მედიატორთა ასოციაცია დონორი ორგანიზაციების მხარდაჭერით გააგრძელებს მედიაციის ინსტიტუტის გაძლიერებას და მსგავს შეხვედრებს მომავალში ხშირად გამართავს ბიზნესის სკოლების სტუდენტებისთვის.
ღონისძიება/აქტივობა განხორციელდა გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში.
