ENG

საქართველოს მედიატორთა ასოციაციამ მონაწილეობა მიიღო ინტელექტუალური საკითრების მსოფლიო ორგანიზაციის (WIPO) არბიტრაჟისა და მედიაციის ცენტრისა და საქპატენტის თანაორგანიზებით დაგეგმილ ვებინარში, რომელიც დავების გადაწყვეტის ალტერნატიულ მეთოდებს შეეხებოდა.

ღონისძიება გაიმართა WIPO-სა და სსიპ - ინტელექტუალური საკუთრების ეროვნულ ცენტრს ,,საქპატენტს" შორის გაფორმებული ურთიერთგაგების მემორანდუმის ფარგლებში.
ვებინარზე, საქართველოს მედიატორთა ასოციაციის თავმჯდომარემ , ირაკლი ყანდაშვილმა, საქართველოში მედიაციის პროცესის პრინციპებსა და მორიგების ხელშეკრულებების აღსრულების შესახებ, პრეზენტაცია წარადგინა.
ღონისძიებაზე გაზიარებული იყო WIPO-ს მედიაციისა და არბიტრაჟის ცენტრის საქმიანობის პრაქტიკა, ასევე, განიხილეს WIPO-ს მედიაციის წესები და პრინციპები, რომლებიც მედიაციის პროცესში ეფექტიანობის მისაღწევად გამოიყენება.
WIPO-ს ექსპერტების მიერ გაზიარებული საუკეთესო საერთაშორისო გამოცდილების გათვალისწინებით, შეხვედრაზე ასევე განიხილეს საქპატენტთან არსებულ სააპელაციო პალატაში მედიაციის დანერგვის პერსპექტივები.
აღსანიშნავია, რომ WIPO-ს არბიტრაჟისა და მედიაციის ცენტრის სტატისტიკური მონაცემების თანახმად, მედიაციის საშუალებით ინტელექტუალური საკუთრების დავების 70% მორიგებით სრულდება. ამ მექანიზმის მნიშვნელობას ხაზს უსვამს ის გარემოებაც, რომ WIPO-ს არბიტრაჟისა და მედიაციის ცენტრის მომსახურებას რეგულარულად იყენებენ საერთაშორისო კორპორაციები, მცირე და საშუალო საწარმოები, სტარტაპები, ასევე, კვლევისა და განვითარების ცენტრები, უნივერსიტეტები, ხელოვანები, გამომგონებლები და მწარმოებლები მთელი მსოფლიოს მასშტაბით.
უკან

_Video Gallery

სხვა სიახლეები

კიდევ ერთი ახალი სასამართლო მედიაციის ცენტრი გაიხსნა საგარეჯოს რაიონულ სასამართლოში

"საქართველოს მედიატორთა ასოციაციის" თავმჯდომარემ ირაკლი ყანდაშვილმა, საქართველოს უზენაესი სასამართლოს, სამოქალაქო საქმეთა პალატის თავმჯდომარემ გიორგი მიქაუტაძემ და სიღნაღის რაიონული სასამართლოს მაგისტრმა მოსამართლემ საგარეჯოს მუნიციპალიტეტში - ლიკა ბოკერიამ, საგარეჯოს რაიონულ სასამართლოში მედიაციის ცენტრი გახსნეს.

საერთაშორისო სამეცნიერო კონფერენცია

„საქართველოს მედიატორთა ასოციაციის“ თავმჯდომარე, გრიგოლ რობაქიძის უნივერსიტეტის პროფესორი ირაკლი ყანდაშვილი ვილნიუსის მიკოლა რომერის უნივერსიტეტის მიწვევით საერთაშორისო სამეცნიერო კონფერენციაზე იმყოფებოდა, სადაც სპიკერის სტატუსით მოხსენებით წარსდგა სავალდებულო სასამართლო მედიაციის პანელში.

USAID სამართლის უზენაესობის პროგრამის, კანონის უზენაესობის პირველი რეგიონული ფორუმი

საქართველოს მედიატორთა ასოციაციის აღმასრულებელმა დირექტორმა - თამარ იმნაიშვილმა მონაწილეობა მიიღო USAID სამართლის უზენაესობის პროგრამის, კანონის უზენაესობის პირველ რეგიონულ ფორუმში.