მონაწილეებს საქართველოს მედიატორთა ასოციაციის თავმჯდომარე - ირაკლი ყანდაშვილი და გაეროს განვითარების პროგრამის კანონის უზენაესობის პროექტის მენეჯერი -ლევან ასათიანი მიესალმნენ.
ასევე შეხვედრაზე მედიაციის პროცესში ადვოკატის ეთიკის საკითხებთან სასაუბროდ სპეციალურად მოწვეული იყო საქართველოს მედიატორთა ასოციაციის აღმასრულებელი საბჭოს წევრი,მედიატორი, ადვოკატთა ასოციაციის ეთიკის კომისიის არაადვოკატი წევრი - ანა ხურციძე.
შეხვედრაზე ანა ხურციძემ ადვოკატთა ასოციაციის წევრებს გაუზიარა საკუთარი გამოცდილება და პრაქტიკაში არსებული გამოწვევები.
ირაკლი ყანდაშვილმა მედიაციის შესახებ ისაუბრა და აღნიშნა, რომ ძალზედ მნიშვნელოვანია ადვოკატებს საფუძვლიანი ცოდნა ჰქონდეთ მედიაციის პროცესთან დაკავშირებით.
შეხვედრაზე ადვოკატების მხრიდან ძალიან დიდი დაინტერესება იყო, დაისვა ბევრი საინტერესო შეკითხვა.
საქართველოს მედიატორთა ასოციაცია მსგავს შეხვედრებს ხშირად გამართავს,რადგან ადვოკატების ინფორმირებულობა მედიაციის პროცესთან დაკავშირებით ძალზედ მნიშვნელოვანია და ხელს უწყობს საზოგადოებაში მედიაციის შესახებ ცნობიერების ამაღლებას.
ღონისძიება/აქტივობა განხორციელდა გაეროს განვითარების პროგრამისა და გერმანიის მხარდაჭერით, პროექტის „კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში.
