საქართველოს მედიატორთა ასოციაციასა და ა(ა)იპ „ჩემი ადვოკატი“-ს შორის გაფორმებული ურთიერთთანამშრომლობის მემორანდუმის ფარგლებში განხორციელდა პრობონო პროექტში ჩართული თანამშრომლების გადამზადება მედიაციის საკითხებში. შეხვედრას უძღვებოდნენ ივანე ჯავახიშვილის სახელობის თბილისის სახელმწიფო უნივერსიტეტის ასოცირებული პროფესორი, საქართველოს მედიატორთა ასოციაციის აღმასრულებელი საბჭოს წევრი, დოქტორი ნათია ჩიტაშვილი და ა(ა)იპ „ჩემი ადვოკატი“-ს დირექტორი მარინა ბერაძე. შეხვედრა, მიმდინარეობდა დისკუსიის ფორმატში, სადაც განხილულ იქნა მედიაციის დარგში არსებული მნიშვნელოვანი საკითხები. მომხსენებელმა მედიატორმა ნათია ჩიტაშვილმა ასევე მონაწილეებს გაუზიარა მედიაციის წარმართვის პროცესში არსებული პრაქტიკა და გამოწვევები. შეგახსენებთ, რომ საქართველოს მედიატორთა ასოციაციასა და „ჩემი ადვოკატ“-ს შორის არსებული ურთიერთთანამშრომლობის მემორანდუმი მიზნად ისახავს ერთობლივი “პრო ბონო’’ პროექტის განხორციელებას, ინსტიტუციური განვითარებისა და დარგის პოპულარიზაციის მიზნით.
