ENG

საქართველოს მედიატორთა ასოციაციასა და საქართველოს ტექნიკურ უნივერსიტეტს შორის ურთიერთთანამშრომლობის მემორანდუმი გაფორმდა

დოკუმენტს საქართველოს მედიატორთა ასოციაციის თავმჯდომარემ ირაკლი ყანდაშვილმა და ტექნიკური უნივერსიტეტის რექტორის მოადგილემ მეცნიერების დარგში, პროფესორმა ზურაბ გასიტაშვილმა მოაწერეს ხელი.
ღონისძიებას უნივერსიტეტის სამართლისა და საერთაშორისო ფაკულტეტის სტუდენტები, დეკანი, პროფესორი ირაკლი გაბისონია, მედიატორთა ასოციაციის აღმასრულებელი დირექტორი , თამარ იმნაიშვილი და ასოციაციის წარმომადგენლები ესწრებოდნენ.
დამსწრე საზოგადოებას ირაკლი ყანდაშვილმა და პროფესორმა ზურაბ გასიტაშვილმა სიტყვით მიმართეს, ასოციაციის თავმჯდომარემ მედიაციის როლსა და მნიშვნელობაზე ისაუბრა, მან აღნიშნა, რომ მომავალი თაობის ინფორმირება ამ მიმართულებით ძალზედ მნიშვნელოვანია და ხელს შეუწყობს მედიაციის ინსტიტუტის პოპულარიზაციასა და განვითარებას. ირაკლი ყანდაშვილმა ტექნიკურ უნივერსიტეტს დიდი მადლობა გადაუხადა მედიაციით დაინტერესებისთვის და თანამშრომლობისთვის.
მემორანდუმი ითვალისწინებს მხარეთა საერთო ინტერესების სფეროში შემავალ აქტუალურ საკითხებზე თანამშრომლობას, მედიაციის ინსტიტუტის განვითარებისა და პოპულარიზაციის მიზნით ერთობლივი ღონისძიებების, პროექტებისა და ინიციატივების განხორციელებას. მემორანდუმის ფარგლებში, საქართველოს მედიატორთა ასოციაციის მხარდაჭერით მოხდება შესაბამისი სასწავლო კურსის მატერიალურ-ტექნიკური რესურსით უზრუნველყოფა, ასევე ასოციაცია უნივერსიტეტის სტუდენტთა და კურსდამთავრებულთათვის სტაჟირებისა და საგანმანათლებლო პროგრამების შემუშავება-განახლებაში მიიღებს მონაწილეობას.
საქართველოს მედიატორთა ასოციაციას, საქართველოს მაშტაბით არსებულ ბევრ უნივერსიტეტთან აქვს ურთიერთთანამშრომლობის მემორანდუმი გაფორმებული, რომლებთანაც აქტიურად და წარმატებით თანამშრომლობს.
უკან

_Video Gallery

სხვა სიახლეები

გრძელდება საუბრები ადვოკატებთან მედიაციაზე

შეხვედრა, საქართველოს მედიატორთა ასოციაციის თავმჯდომარემ, ირაკლი ყანდაშვილმა და USAID სამართლის უზენაესობის პროგრამის ADR-ის მიმართულებით მრჩეველმა, ირაკლი გელოვანმა გახსნეს.

კიდევ ერთი ახალი სასამართლო მედიაციის ცენტრი გაიხსნა აჭარის რეგიონში, ხელვაჩაურის რაიონულ სასამართლოში

ხელვაჩაურის მუნიციპალიტეტში მედიაციის ცენტრის გახსნა ემსახურება მხარდამჭერი და ნეიტრალური გარემოს შექმნას საზოგადოებისათვის, სადაც მხარეებს მიეცემათ შესაძლებლობა მაღალი კვალიფიკაციის მქონე მედიატორების დახმარებით სწრაფად და მშვიდობიანად მოაგვარონ თავიანთი უთანხმოება მედიაციის საშუალებით.

შეხვედრა საპენსიო უზრუნველყოფის საკითხებზე შექმნილ სამუშაო ჯგუფთან

“საქართველოს მედიატორთა ასოციაციის” თავმჯდომარემ, ირაკლი ყანდაშვილმა პირველი სამუშაო შეხვედრა გამართა, საპენსიო საკითხებთან დაკავშირებით შექმნილ სამუშაო ჯგუფთან.