ENG

ტრენინგი ასოციაციის ეთიკის კომისიის წევრებისთვის

საქართველოს მედიატორთა ასოციაციამ ევროპის საბჭოს მხარდაჭერით, პროექტის „სასამართლოს მენეჯმენტის მოდერნიზების შემდგომი ხელშეწყობა საქართველოში“ ფარგლებში, ასოციაციის ეთიკის კომისიის წევრებისთვის გამართა ტრენინგი თემაზე „მედიატორთა ეთიკური სტანდარტები და დისციპლინური პასუხისმგებლობა“

ტრენინგს უძღვებოდა მოწვეული საერთაშორისო ექსპერტი ნინა ბეტეტო.

ღონისძიება მისასალმებელი სიტყვით გახსნეს ასოციაციის ეთიკის კომისიის თავმჯდომარემ ირაკლი ადეიშვილმა და ევროპის საბჭოს პროექტის უფროსმა ოფიცერმა უშანგი ბახტაძემ.

ტრენინგის მიზანი იყო ეთიკის კომისიის წევრებისთვის მედიაციის ეთიკური საფუძვლებისა და ევროპული სტანდარტების სიღრმისეული გააზრება, პროფესიული ეთიკის კოდექსის ევროპულ სტანდარტებთან შედარება, ასევე პრაქტიკული უნარების განვითარება ეთიკური დილემებისა და დისციპლინური საკითხების მართვის მიმართულებით.

ტრენინგის ფარგლებში მონაწილეები მცირე ჯგუფებში გადანაწილდნენ და პრაქტიკულ დისციპლინურ სცენარებზე იმუშავეს, რაც მათ რეალურ შემთხვევებზე დაფუძნებული ანალიზისა და გადაწყვეტილებების მიღების შესაძლებლობას აძლევდა.

ღონისძიება ემსახურებოდა ეთიკის კომისიის შესაძლებლობების გაძლიერებას სამართლიანი, პროპორციული და გამჭვირვალე დისციპლინური პროცედურების ეფექტიანად განხორციელების მიმართულებით.
უკან

_Video Gallery

სხვა სიახლეები

მედიატორებს შორის პროფესიული გამოცდილების გაზიარების შეხვედრა

საქართველოს მედიატორთა ასოციაციის ორგანიზებით გაიმართა მედიატორთა პროფესიული გამოცდილების გაზიარების შეხვედრა, რომლის მიზანი იყო პროფესიული დიალოგის ხელშეწყობა, პრაქტიკული გამოცდილების გაზიარება და მედიაციის სფეროში არსებული გამოწვევებისა და განვითარების შესაძლებლობების განხილვა.

საქართველოს მედიატორთა ასოციაციამ CLDP-ის წარმომადგენლებს უმასპინძლა

საქართველოს მედიატორთა ასოციაციის თავმჯდომარემ, თამარ იმნაიშვილმა, ასოციაციის ოფისში უმასპინძლა აშშ-ის სახელმწიფო დეპარტამენტის კომერციული სამართლის განვითარების პროგრამის (CLDP) წარმომადგენლებს ნიკოლეტ ი. მენას, საერთაშორისო პროგრამების უფროს სპეციალისტს (Senior International Program Specialist), და დავით გაგნიძეს, იურიდიულ მრჩეველს (Attorney Advisor).

დაიწყო პრაქტიკულ უნარ-ჩვევებში პროგრამაზე რეგისტრაცია

2026 წლის 25 სექტემბრიდან დაიწყო პრაქტიკულ უნარ-ჩვევებში პროგრამაზე რეგისტრაცია