საქართველოს მედიატორთა ასოციაციის ორგანიზებით და სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს მხარდაჭერით გაიმართა საინფორმაციო შეხვედრა საქართველოს მედიატორთა ასოციაციის წევრი მედიატორებისთვის.
ღონისძიება გახსნეს საქართველოს მედიატორთა ასოციაციის თავმჯდომარემ თამარ იმნაიშვილმა და სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს მეურვეობა-მზრუნველობისა და მხარდაჭერის დეპარტამენტის ხელმძღვანელმა მაია დარსალიამ.
შეხვედრის ფარგლებში მონაწილეებს ინფორმაცია გაუზიარა თბილისის ადამიანით ვაჭრობის (ტრეფიკინგის) და ძალადობის მსხვერპლთა მომსახურების დაწესებულების (თავშესაფრის) უფროსმა თამარ სანიკიძემ, ხოლო სააგენტოს პროფესიული ზედამხედველობის სამმართველოს პროფესიულმა ზედამხედველმა ხატია თაბუკაშვილმა ისაუბრა პროფესიული ზედამხედველობის მიმართულებით არსებულ საკითხებზე.
სააგენტოს წარმომადგენლებმა მედიატორებს გააცნეს ქალთა მიმართ და ოჯახში ძალადობის, ბავშვზე ძალადობის შემთხვევების იდენტიფიცირების, სახელმწიფო სერვისების, მხარდაჭერისა და ეფექტიანი რეფერირების მექანიზმები. შეხვედრა ინტერაქციულ ფორმატში წარიმართა, რამაც მონაწილეებს შესაძლებლობა მისცა მიეღოთ პრაქტიკულ საქმიანობაზე ორიენტირებული ინფორმაცია, დაესვათ კითხვები და მიეღოთ ამომწურავი პასუხები.
საქართველოს მედიატორთა ასოციაცია მადლობას უხდის სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს ნაყოფიერი თანამშრომლობისა და მედიატორთა პროფესიული განვითარების მხარდაჭერისთვის
