სომხურ-ქართული სამართლებრივი თანამშრომლობის ფორუმი 2015 წლიდან იმართება და ხელს უწყობს საქართველოსა და სომხეთის იუსტიციის სამინისტროებს შორის პარტნიორული, ეფექტური და მეგობრული ურთიერთობის განმტკიცებას.
საქართველოს მედიატორთა ასოციაციის თავმჯდომარემ ირაკლი ყანდაშვილმა ფორუმში მონაწილე დამსწრე საზოგადოებას გააცნო „მედიაციის შესახებ“ საქართველოს კანონის ქართული მოდელი, ისაუბრა საქართველოში მედიაციის როგორც დავის რეგულირების ახალი მექანიზმის გამოყენების, ასევე ამ მოკლე პერიოდში დანერგილი სიახლეების და რეფორმების კონკრეტული შედეგებზე.
ფორუმში მონაწილეობას იღებენ მაღალი რანგის დელეგაციები სომხეთისა და საქართველოს იუსტიციის მინისტრების ხელმძღვანელობით.
ღონისძიებაში საქართველოს იუსტიციის მინისტრის მოადგილეებსა და სამინისტროს წარმომადგენლებთან ერთად მონაწილეობენ საქართველოს მთავრობის ადმინისტრაციის, სპეციალური პენიტენციური სამსახურის, პერსონალურ მონაცემთა დაცვის სამსახურის, ადვოკატთა ასოციაციის და იურიდიული დახმარების სამსახურის ხელმძღვანელი პირები.
აღსანიშნავია, რომ მსგავსი ფორუმები აძლიერებს ინსტიტუციათა ფუნქციონირებას ეროვნულ დონეზე.
