„საქართველოს მედიატორთა ასოციაციის" ორგანიზებით და დონორი ორგანიზაციის გაეროს ბავშვთა ფონდის (UNICEF)_ის მხარდაჭერით, ასოციაციის წევრებისათვის ჩატარდა ტრენინგი თემაზე "ბავშვებთან დაკავშირებული ფსიქოლოგიური ასპექტები სამოქალაქო მედიაციაში" ღონისძიება გახსნა საქართველოს მედიატორთა ასოციაციის თავმჯდომარემ ირაკლი ყანდაშვილმა და საქართველოშ გაეროს ბავშვთა ფონდის წარმომადგენლის მოადგილემ ქალბატონმა ემი ქლანსმა. ორგანიზაციის წარმომადგენლებმა აღნიშნეს, რომ აღნიშნული ღონისძიებები და აქტივობები უაღრესად მნიშვნელოვანია მედიაციის განვითარებისთვის, და მათ შორის არსებული ურთიერთანამშრომლობის მემორანდუმის ფარგლებში კიდევ ბევრ მსგავ აქტივობის განხორციელებას უზრუნველყოფენ მომავალში. ტრეინგზე განხილულ იქნა ისეთი საკითხები როგორიც არის: ბავშვის განვითარების და ბავშვთან ურთიერთობის თავისებურებები, ფსიქოლოგის როლი სამოქალაქო და ადმინისტრაციულ საქმეებში ბავშვის მონაწილეობით, მშობელი-ბავშვის ფსიქოლოგიური სირთულეები, ოჯახში ძალადობა, ოჯახში ძალადობის მსხვერპლის ბავშვის ფსიქოლოგიური თავისებურებები და სხვა. სპეციალიზირებული მედიატორების ჩართულობა სამედიაციო პროცესში, უზრუნველყოფს პროცესის დროს ბავშვებისადმი უთანასწორო მოპყრობის გარეშე, ბავშვის საუკეთესო ინტერესების უპირატეს გათვალისწინებას, მათი ღირსების დაცვას, კეთილდღეობას და უსაფრთხოებას. სწორედ ამიტომ ასოციაცია მუდმივად ზრუნავს და ხელს უწყობს ასოციაციის წევრ მედიატორებს პროფესიულ განვითარებაში.
