“საქართველოს მედიატორთა ასოციაციის” თავმჯდომარემ, ირაკლი ყანდაშვილმა პირველი სამუშაო შეხვედრა გამართა, საპენსიო საკითხებთან დაკავშირებით შექმნილ სამუშაო ჯგუფთან.
სამუშაო ჯგუფი შექმნილია მოქმედი მედიატორების შემადგენლობით, რომლებიც იმუშავებენ საპენსიო სტატუსის მქონე მედიატორების „საპენსიო უზრუნველყოფის საკითხებზე“.
აღნიშნული სამუშაო ჯგუფის შექმნის აუცილებლობა განაპირობა პრაქტიკაში შექმნილმა გამოწვევამ.
სამუშაო ჯგუფის ფარგლებში დაგეგმილია „სახელმწიფო პენსიის შესახებ“ საქართველოს კანონში შესაბამისი ცვლილებების გატარება, რომელიც შესაძლებლობას მისცემს საპენსიო სტატუსის მქონე მედიატორებს სამედიაციო მომსახურების განხორციელებასთან ერთად მიიღონ სახელმწიფო პენსია.
