მედიატორის პროფესიული დღისადმი მიძღვნილი კვირეულის ფარგლებში მიმდინარეობს სპეციალიზებული კურსი „ბავშვთა უფლებებში“ მოქმედი მედიატორებისათვის, რომელსაც „საქართველოს მედიატორთა ასოციაცია“ პარტნიორი დონორი ორგანიზაციის გაეროს ბავშვთა ფონდის (UNICEF)_ის მხარდაჭერით ახორციელებს.
მონაწილეებს მისასალმებელი სიტყვით მიმართა „საქართველოს მედიატორთა ასოციაციის“ თავმჯდომარემ ირაკლი ყანდაშვილმა, ხოლო ტრენინგს უძღვება მოწვეული ექსპერტი მაია ბაქრაძე.
მნიშვნელოვანია რომ ბავშვთა უფლების კოდექსის მოთხოვნის შესაბამისად, ბავშვის უფლებებთან დაკავშირებულ განხილვის პროცესში მხოლოდ სპეციალიზებულ პირებს აქვთ უფლება ჩაერთონ სამედიაციო პროცესში,როგორც მედიატორები,შესაბამისად ტრენინგის გავლის შემდგომ მედიატორს მიენიჭება დამატებითი სპეციალიზაცია ბავშვთა უფლებებში, რაც საშუალებას მისცემს მონაწილეობა მიიღოს აღნიშნული კატეგორიის სამედიაციო საქმეებში.
“საქართველოს მედიატორთა ასოციაცია” მადლობას უხდის გაეროს ბავშვთა ფონდს (UNICEF)_ის აღმოჩენილი მხარდაჭერისთვის.
“საქართველოს მედიატორთა ასოციაცია” გააგრძელებს ყველა დაინტერესებული მედიატორის სწავლებას აღნიშნული სპეციალიზაციის მიხედვით, რათა პროფესია პასუხობდეს საზოგადოების საჭიროებებს ბავშვის უფლებათა კოდექსის ეფექტური იმპლემენტაციის მიზნებისთვის საქართველოში
