ENG

სსიპ საქართველოს მედიატორთა ასოციაციის ეთიკის კომისიის პრეზენტაცია

2021 წლის 29 სექტემებრს სსიპ ,,საქართველოს მედიატორთა ასოციაციის“ ეთიკის კომისიის ოფიციალური პრეზენტაცია გაიმართა, რომელიც მხარდაჭერილი იყო ევროკავშირისა (EU) და გაეროს განვითარების პროგრამის (UNDP)  მიერ. ღონისძიება გახსნა ასოციაციის თავმჯდომარემ - ირაკლი ყანდაშვილმა და დამსწრე საზოგადოებას ახლად არჩეული ეთიკის კომისიის წევრები წარუდგინა.
ღონისძიებაზე, ეთიკის კომისიის წევრებმა სტუმრებისათვის მედიატორთა პროფესიული ეთიკის კოდექსის და მედიატორთა დისციპლინური საქმისწარმოების დებულების პრეზენტაცია წარადგინეს.
პრეზენტაციის დასასრულს სსიპ „საქართველოს მედიატორთა ასოციაციის“ ეთიკის კომისიამ, სსიპ ,,საქართველოს ადვოკატთა ასოციაციასთან და ა(ა)იპ ,,სააქართველოს არბიტრთა ასოციაციასთან“ ურთიერთთანამშრომლობის მემორანდუმი გააფორმა. აღნიშნული მემორანდუმი მიზნად ისახავს თანამშრომლობას პროფესიულ ეთიკურ სტანდარტებსა და დისციპლინურ საქმისწარმოებასთან დაკავშირებით.
მემორანდუმს ხელი მოაწერეს სსიპ “საქართველოს მედიატორთა ასოციაციის” ეთიკის კომისიის თავმჯდომარემ - სოფიო დუღაშვილმა, სსიპ ,,საქართველოს ადვოკატთა ასოციაციისა“ და ა(ა)იპ ,,სააქართველოს არბიტრთა ასოციაციის“ ეთიკის კომისიის თავმჯდომარეებმა თორნიკე ბაქრაძემ და ლაშა ნოდიამ.
უკან
სხვა სიახლეები

რეგიონალური კონფერენცია - ,,ინვესტიციები და დავის გადაწყვეტის ალტერნატიული მექანიზმები ენერგეტიკის სექტორში“.

სსიპ საქართველოს მედიატორთა ასოციაციის ეთიკის კომისიის თავმჯდომარემ - სოფიო დუღაშვილმა მონაწილეობა მიიღო რეგიონალურ კონფერენციაზე - ,,ინვესტიციები და დავის გადაწყვეტის ალტერნატიული მექანიზმები ენერგეტიკის სექტორში

საჯარო ლექცია თემაზე: „მედიაცია - დავის ეფექტურად რეგულირების ახალი შესაძლებლობა“

საქართველოს მედიატორთა ასოციაციის თავმჯდომარემ, ირაკლი ყანდაშვილმა საქართველოს მედიატორთა ასოციაციასა და კავკასიის საერთაშორისო უნივერსიტეტს შორის გაფორმებული ურთიერთთანამშრომლობის მემორანდუმის ფარგლებში, საჯარო ლექცია გამართა უნივერსიტეტის ბიზნესისა და სოციალურ მეცნიერებათა ფაკულტეტების სტუდენტებისთვის, თემაზე: „მედიაცია - დავის ეფექტურად რეგულირების ახალი შესაძლებლობა“.

საერთაშორისო კონფერენცია - „მედიაციის გამოყენების პროცესში არსებული ტენდენციები, რისკები და შესაძლებლობები“.

„საქართველოს მედიატორთა ასოციაციის“ თავმჯდომარე ირაკლი ყანდაშვილმა და ასოციაციის აღმასრულებელმა მდივანმა თამარ იმნაიშვილმა მონაწილეობა მიიღეს საერთაშორისო კონფერენციაში „მედიაციის გამოყენების პროცესში არსებული ტენდენციები, რისკები და შესაძლებლობები“