ENG

ურთიერთთანამშრომლობის მემორანდუმი გრიგოლ რობაქიძის უნივერსიტეტთან

ურთიერთთანამშრომლობის კიდევ ერთი მემორანდუმი გაფორმდა ,,საქართველოს მედიატორთა ასოციაციასა" და გრიგოლ რობაქიძის უნივერსიტეტს შორის. მემორანდუმი ითვალისწინებს მხარეთა საერთო ინტერესების სფეროში შემავალ აქტუალურ საკითხებზე თანამშრომლობას, მედიაციის ინსტიტუტის განვითარებისა და პოპულარიზაციის მიზნით ერთობლივი ღონისძიებების, პროექტებისა და ინიციატივების განხორციელებას, მათ შორის ერთობლივი მედიაციის ცენტრის დაფუძნებას.
ცენტრის საქმიანობაში აკადემიურ პერსონალთან და პრაქტიკოს მედიატორებთან ერთად აქტიურად ჩაერთვებიან სტუდენტები, რომლებიც მონაწილეობას მიიღებენ ერთობლივ კვლევებსა და სასწავლო-საგანმანათლებლო პროექტებში, მოამზადებენ პუბლიკაციებს სხვადასხვა აქტუალური თემის შესახებ, განახორციელებენ ერთობლივ ღონისძიებებს და სხვა.
უნივერსიტეტისა და მედიატორთა ასოციაციის საერთო ინტერესების სფეროში შემავალი ეს და სხვა აქტუალური საკითხები გახდება ამ უწყებებს შორის თანამშრომლობის ძირითადი მიმართულება - აღნიშნულია მემორანდუმში, რომელსაც ხელი მიმდინარე წლის 11 ივნისს მოეწერა.
მედიაციის ინსტიტუტის საქმიანობის განვითარებისა და პოპულარიზაციის გარდა, ამგვარი თანამშრომლობა იმითაც არის მნიშვნელოვანი, რომ პანდემიის გამო შეცვლილი სასწავლო გარემო და ახალი გამოწვევები სულ უფრო აქტუალურს ხდის სხვადასხვა ელექტრონული პლატფორმის გამოყენების აუცილებლობას.
სამოქალაქო დავების დისტანციური მედიაციის საშუალებით, კერძოდ კი, ელექტრონული მედიაციის წარმოების პლატფორმის გამოყენებით გადაწყვეტა სტუდენტებს ამ ვითარებაში უდავოდ საინტერესო გამოცდილებას შესძენს; პრაქტიკოს მედიატორებთან თანამშრომლობა და მედიაციასთან დაკავშირებით მიმდინარე და უახლესი ინფორმაციის გაცნობა კი მათ პროფესიულად გაზრდის.
პროექტი ხორცილედება ევროკავშირისა და გაეროს განვითარების პროგრამის მხარდაჭერით. ეს არის უმნიშვნელოვანესი ხელშეწყობა, დამსაქმებელსა და დასაქმებულს შორის პანდემიის შედეგად გამოწვეული დავების მშვიდობიანად, დროულად და ნაკლები დანახარჯით მოგვარებისათვის.
მემორანდუმით გრიგოლ რობაქიძის უნივერსიტეტსა და საქართველოს მედიატორთა ასოციაციას შორის თანამშრომლობის ახალი ეტაპი იწყება.
უკან
სხვა სიახლეები

სსიპ „საქართველოს მედიატორთა ასოციაციის“ თავმჯდომარემ ირაკლი ყანდაშვილმა უმასპინძლა ამერიკის შეერთებული შტატების საელჩოს იუსტიციის დეპარტამენტის სამართლებრივ მრჩეველს საქართველოში, ლენა მორტონ ოუენსს

სსიპ „საქართველოს მედიატორთა ასოციაციის“ თავმჯდომარემ ირაკლი ყანდაშვილმა უმასპინძლა ამერიკის შეერთებული შტატების საელჩოს იუსტიციის დეპარტამენტის სამართლებრივ მრჩეველს საქართველოში, ლენა მორტონ ოუენსს.

სამუშაო შეხვედრა მედიატორთა სერტიფიცირების პრაქტიკულ უნარ-ჩვევების შემოწმების ეტაპში მონაწილე შემფასებლებთან

22-23 სექტემბერს სსიპ “საქართველოს მედიატორთა ასოციაციის“ მიერ განხორციელდა ევროკავშირის და გაეროს განვითარების პროგრამის (UNDP)-ის მხარდაჭერით მედიატორთა სერტიფიცირების პრაქტიკულ უნარ-ჩვევების შემოწმების ეტაპში მონაწილე შემფასებლებთან სამუშაო შეხვედრა

შეხვედრა სტუდენტებთან, რომლებმაც წარმატებით დაასრულეს სტაჟირება

სსიპ „საქართველოს მედიატორთა ასოციაციის“ თავმჯდომარე ირაკლი ყანდაშვილი შეხვდა სტუდენტებს, რომლებმაც წარმატებით დაასრულეს სტაჟირება სსიპ „საქართველოს მედიატორთა ასოციაციაში“, აღნიშნული სტუდენტები არიან მედიატორთა ასოციაციის მიერ გამოცხადებულ ესეების კონკურსში აგრეთვე თბილისის ივანე ჯავახიშვილის სახელობის სახელმწიფო უნივერსიტეტის და ELSA საქართველოს შორის გაფორმებული ურთიერთთანამშრომლობის მემორანდუმის ფარგლებში მედიაციის კონკურსში გამარჯვებულები.