„საქართველოს მედიატორთა ასოციაციასა“ და „მომხმარებელთა ინტერესების საზოგადოებრივი დამცველის სამსახურს“ შორის, ურთიერთთანამშრომლობის მემორანდუმი გაფორმდა.
მემორანდუმი მიზნად ისახავს, მედიაციის პოპულარიზაციის მიზნით, ერთობლივი პუბლიკაციების შემუშავებას და გამოცემას; საზოგადოებაში მედიაციის შესახებ ცნობადობის ამაღლების მიზნით, ერთობლივი აქტივობების განხორციელებას. ელექტრონული კომუნიკაციებისა და მაუწყებლობის სფეროში ცნობიერების ამაღლებას მომხმარებელთა უფლებებისა და კანონიერი ინტერესების დაცვის საკითხებზე.
მემორანდუმს ხელი მოაწერეს “საქართველოს მედიატორთა ასოციაციის” თავმჯდომარემ ირაკლი ყანდაშვილმა და მომხმარებელთა ინტერესების საზოგადოებრივმა დამცველმა გვანცა ჩხეიძემ.
