ENG

ურთიერთთანამშრომლობის მემორანდუმი „საქართველოს მედიატორთა ასოციაციის“ ეთიკის კომისიასა და იუსტიციის უმაღლესი საბჭოს დამოუკიდებელ ინსპექტორს შორის

სსიპ „საქართველოს მედიატორთა ასოციაციის“ ახლად არჩეულ ეთიკის კომისიასა და იუსტიციის უმაღლესი საბჭოს დამოუკიდებელ ინსპექტორთან ურთიერთთანამშრომლობის მემორანდუმი გაფორმდა. შეხვედრაზე მხარეები პროფესიულ ეთიკურ სტანდარტებსა და დისციპლინურ საქმისწარმოებასთან დაკავშირებით თანამშრომლობაზე, მათ შორის ინფორმაციის გაცვლასა და პრაქტიკული გამოცდილების გაზიარებაზე შეთანხმდნენ. მემორანდუმის მიზანია მედიაციის, როგორც დავის გადაწყვეტის ალტერნატიული მექანიზმის პოპულარიზაცია და დამოუკიდებელი ინსპექტორის სამსახურის საქმიანობის ცნობადობის ამაღლება. მემორანდუმის ფარგლებში სსიპ „საქართველოს მედიატორთა ასოციაციას“ და დამოუკიდებელი ინსპექტორის სამსახურს შორის დაიგეგმა კონკრეტული ნაბიჯები და სამომავლო ერთობლივი ღონისძიებები. მემორანდუმს ხელი მოაწერეს “საქართველოს მედიატორთა ასოციაციის” ეთიკის კომისიის თავმჯდომარემ - სოფიო დუღაშვილმა და საქართველოს იუსტიციის უმაღლესი საბჭოს დამოუკიდებელმა ინსპექტორმა - ზურაბ აზნაურაშვილმა.
უკან
სხვა სიახლეები

საინფორმაციო ბიულეტენი

გაეცანით "საქართველოს მედიატორთა ასოციაციის" 2022 წლის იანვარი - დეკემბრის აქტივობების შესახებ საინფორმაციო ბიულეტენს.

კიდევ ერთი ახალი სასამართლო მედიაციის ცენტრი გაიხსნა აჭარის რეგიონში, ქ. ბათუმში

სასამართლო ხელისუფლების მხარდაჭერით, კიდევ ერთი ახალი სასამართლო მედიაციის ცენტრი გაიხსნა აჭარის რეგიონში, ქ. ბათუმში, გრიგოლ რობაქიძის სახელობის უნივერსიტეტის ბათუმის წარმომადგენლობის ბაზაზე.

სამუშაო შეხვედრა კონკურენციის სააგენტოში - მომხმარებლის უფლებების დაცვის მექანიზმების შესახებ .

“საქართველოს მედიატორთა ასოციაციის” მედიაციის კვირეულის ფარგლებში კონკურენციის სააგენტოში გაიმართა სამუშაო შეხვედრა მომხმარებლის უფლებების დაცვის მექანიზმების შესახებ .