„საქართველოს მედიატორთა ასოციაციასა“ და „საქართველოს წითელი ჯვრის საზოგადოებას“ შორის, ურთიერთთანამშრომლობის მემორანდუმი გაფორმდა.
მემორანდუმის მიზანია, მედიაციის, როგორც დავის გადაწყვეტის ალტერნატიული მექანიზმის საქართველოში დანერგვა და პოპულარიზაციის ხელშეწყობა, მათ შორის, ერთობლივი პროექტების, ღონისძიებების, მრგვალი მაგიდის, კონფერენციებისა და სხვა აქტივობების დაგეგმვა და განხორციელება; მედიაციის პოპულარიზაციის მიზნით, ერთობლივი პუბლიკაციების შემუშავება და გამოცემა; პრო ბონო მედიაციის განხორციელება წითელი ჯვრის ბენეფიციარებისთვის.
მემორანდუმს ხელი მოაწერეს “საქართველოს მედიატორთა ასოციაციის” თავმჯდომარემ ირაკლი ყანდაშვილმა და „საქართველოს წითელი ჯვრის საზოგადოების“ პრეზიდენტმა ნათია ლოლაძემ.
