ENG

წევრებისთვის ონლაინ ტრენინგი გაიმართა მედიაციისა და მასთან დაკავშირებული საკითხების შესახებ

მედიატორის პროფესიული დღისადმი მიძღვნილი კვირეულის ფარგლებში “საქართველოს მედიატორთა ასოციაციისა” და გლობალური შეთანხმების საქართველოს ქსელის ორგანიზებით საქართველოს ბიზნეს ასოციაციის (BAG) წევრებისთვის ონლაინ ტრენინგი გაიმართა მედიაციისა და მასთან დაკავშირებული საკითხების შესახებ.

ღონისძიება „საქართველოს მედიატორთა ასოციაციის“ თავმჯდომარემ - ირაკლი ყანდაშვილმა და გლობალური შეთანხმების საქართველოს ქსელის ხელმძღვანელმა - სალომე ზურაბიშვილმა გახსნეს. ტრენინგის დამსწრეებს სიტყვით მიმართეს ბიზნესომბუდსმენმა ნინო კვეტენაძემ და საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ.

ბიზნესომბუდსმენმა მედიატორებს პროფესიული დღე მიულოცა და ხაზი გაუსვა მედიაციის მექანიზმის მნიშვნელობას ბიზნესსექტორში არსებული დავების გონივრულ ვადებში მოსაგვარებლად.

ტრენინგის ფარგლებში მედიატორებმა ელენე ორჯონიკიძემ და სოფო ჩაჩავამ ბიზნესის წარმომადგენლებს გააცნეს მედიაციის ფორმები, დავებთან დაკავშირებული მნიშვნელოვანი ფაქტები და ის სერვისები, რომელსაც მედიატორთა ასოციაცია ბიზნესს სთავაზობს;
უკან
სხვა სიახლეები

კონფერენცია „ინდივიდუალური შრომითი დავების ალტერნატიული გადაწყვეტა – საერთაშორისო და ქართული პერსპექტივა“,

საქართველოს მედიატორთა ასოციაციამ მონაწილეობა მიიღო კონფერენციაში „ინდივიდუალური შრომითი დავების ალტერნატიული გადაწყვეტა – საერთაშორისო და ქართული პერსპექტივა“, რომელიც გაიმართა საქართველოს ბიზნეს ასოციაციისა და DANSK Industri-ის ერთობლივი პროექტის ფარგლებში.

საერთაშორისო სამეცნიერო-პრაქტიკულ კონფერენცია

საქართველოს მედიატორთა ასოციაციის თავმჯდომარე, ირაკლი ყანდაშვილი, მიწვეული იყო ყაზახეთის რესპუბლიკის კონსტიტუციის 30 წლისთავისადმი მიძღვნილ საერთაშორისო სამეცნიერო-პრაქტიკულ კონფერენციაზე, სადაც წარსდგა მოხსენებით თემაზე: „მედიაცია – მართლმსაჯულების ეფექტურობის წინაპირობა“.

პრაღაში გამართულ საერთაშორისო ეკონომიკურ ფორუმზე საქართველოს მედიატორთა ასოციაციის თავმჯდომარემ ირაკლი ყანდაშვილმა წარადგინა მედიაციის ქართულ მოდელზე მოხსენება

მოხარულები ვართ გაცნობოთ, რომ საქართველოს მედიატორთა ასოციაციის თავმჯდომარემ და გრიგოლ რობაქიძის უნივერსიტეტის სამართლის სკოლის პროფესორმა, ბატონმა ირაკლი ყანდაშვილმა, მონაწილეობა მიიღო პრაღაში გამართულ მე-17 საერთაშორისო ეკონომიკურ ფორუმში EconWorld.