ENG

წლის შემაჯამებელი შეხვედრა სასამართლო მედიაციასთან დაკავშირებით

მედიატორის პროფესიული დღისადმი მიძღვნილი კვირეულის ფარგლებში „საქართველოს მედიატორთა ასოციაციამ“ სასამართლო მედიაციასთან დაკავშირებით წლის შემაჯამებელი შეხვედრა გამართა.

აღნიშნულ ღონისძიებაზე მოწვეული იყო თბილისის საქალაქო სასამართლოს, რუსთავის საქალაქო სასამართლოსა და მცხეთის რაიონული სასამართლოს მოსამართლეები. შეხვედრაზე, მოსამართლეებმა და მედიატორებმა ისაუბრეს მოსამართლის და მედიატორის მხრიდან დანახულ სასამართლო მედიაციის უპირატესობებზე.

ღონისძიებაზე მედიაციის საქმეთა რაოდენობისა და შედეგების წლიური შემაჯამებელი სტატისტიკა წარმოადგინეს თბილისის საქალაქო სასამართლოს მედიაციის ცენტრის კოორდინატორმა მედიატორმა ელენე ორჯონიკიძემ, რუსთავის საქალაქო სასამართლოს მენეჯერმა გუგა კორკოტაშვილმა და მცხეთის რაიონული სასამართლოს კოორდინაციაზე პასუხისმგებელმა პირმა „საქართველოს მედიატორთა ასოციაციის“ აღმასრულებელი საბჭოს წევრმა - მედიატორმა ნათია ჩიტაშვილმა.

ღონისძიებას ესწრებოდნენ რეესტრში რეგისრირებული მედიატორები, მოსამართლეები და დონორი ორგანიზაციების წარმომადგენლები.
უკან
სხვა სიახლეები

საერთაშორისო ვებინარი- „მედიაცია საზღვართშორისი ბიზნეს დავები”

საქართველოს მედიატორთა ასოციაციის თავმჯდომარე- ირაკლი ყანდაშვილმა, როგორც ევროპის ადვოკატთა ასოციაციის მედიაციის კომიტეტის ხელმძღვანელმა მოდერირება გაუწია საერთაშორისო ვებინარს- „მედიაცია საზღვართშორისი ბიზნეს დავები”

შეხვედრა ქართულ-ამერიკული უნივერსიტეტის ბიზნეს სკოლის სტუდენტებთან

გრძელდება საქართველოს მედიატორთა ასოციაციის გაეროს განვითარების პროგრამის მხარდაჭერით დაწყებული კამპანია, რომლის მიზანია მედიაციის არსი და რაობა გააცნოს ბიზნეს სკოლების სტუდენტებს, მომავალი ბიზნესის წარმომადგენლებს საქართველოში.

სამუშაო შეხვედრა აღმოსავლეთ საქართველოში ახლად გახსნილი სასამართლოს მედიაციის ცენტრის წარმომადგენლებთან

„საქართველოს მედიატორთა ასოციაციის ინსტიტუციური გაძლიერებისა და მედიაციის განვითარების პროექტის“ ფარგლებში სამუშაო შეხვედრა გაიმართა აღმოსავლეთ საქართველოში ახლად გახსნილი სასამართლოს მედიაციის ცენტრის წარმომადგენლებთან.