ENG

ყოველწლიური საერთაშორისო ფორუმი „მედიაცია ბიზნესისთვის“

“საქართველოს მედიატორთა ასოციაციის” ინიციატივით და “საქართველოს ბიზნესომბუდსმენის” პატრონაჟით, USAID/Georgia-ს პროგრამა „კანონის უზენაესობის მხარდაჭერით საქართველოში“ USAID-PROLoG - Promoting Rule of Law in Georgia Activity ტექნიკური მხარდაჭერით დაფუძნდა ყოველწლიური საერთაშორისო ფორუმი “მედიაცია ბიზნესისთვის”, რომელიც ყოველ წელს გაიმართება და მიზნად ისახავს ბიზნესსექტორის წარმომადგენლების ინფორმირებას მედიაციის როლსა და მნიშვნელობაზე.
პირველი საერთაშორისო ფორუმი „მედიაცია ბიზნესისთვის“ საქართველოს პრეზიდენტმა სალომე ზურაბიშვილმა გახსნა. პრეზიდენტმა ღონისძიებაში მონაწილე დამსწრე საზოგადოებას მისასალმებელი სიტყვით მიმართა და აღნიშნა, რომ მედიაცია მნიშვნელოვან როლს თამაშობს ქვეყანაში იმისთვის, რომ ბიზნეს გარემო გაუმჯობესდეს, სწორედ ამას მოწმობს ასოცირების ხელშეკრულება, სადაც ხაზგასმულია მედიაციის როლზე და მნიშვნელობაზე. ასევე პრეზიდენმა ისაუბრა მედიაციის საშუალებით სასამართლო სისტემის გაძლიერებაზე. მისასალმებელი სიტყვის დასასრულს პრეზიდენტმა წარმატება უსურვა ფორუმს და ისურვა, რომ მედიაციამ ქვეყანაში მნიშვნელოვანი როლი და ადგილი დაიკავოს.
ღონისძიების დამსწრე საზოგადოებას მიესალმნენ საქართველოს უზენაესი სასამართლოს თავმჯდომარე ქალბატონო ნინო ქადაგიძე, იუსტიციის მინისტრის პირველი მოადგილე ქალბატონი თამარ ტყეშელაშვილი, ეკონომიკის და მდგრადი განვითარების მინისტრის მოადგილე ბატონი გენადი არველაძე, საქართველოს პარლამენტის იურიდიულ საკითხთა კომიტეტის თავმჯდომარის პირველი მოადგილე ბატონი დავით მათიკაშვილი, USAID - მისიის დირექტორი ბატონი პიტერ ვიბლერი, საქართველოს ადვოკატთა ასოციაციის თავმჯდომარე ბატონო დავით ასათიანი, საქართველოს ბიზნეს ასოციაციის აღმასრულებელი დირექტორი ბატონი ლევან ვეფხვაძე, საქართველოს ბიზნესომბუდსმენი ქალბატონი ნინო კვეტენაძე და საქართველოს მედიატორთა ასოციაციის თავმჯდომარე ირაკლი ყანდაშვილი.
აღსანიშნავია, რომ ფორუმი „მედიაცია ბიზნესისთვის“ საერთაშორისოა და მიზნად ისახავს ერთის მხრივ, დავის გადაწყვეტის ახალი მექანიზმის პოპულარიზაციას და მეორე მხრივ, სტაბილური პლატფორმის შექმნას, რაც საშუალებას მისცემს ბიზნეს სექტორის წარმომადგენლებს მეტი შეიტყონ მედიაციის შესახებ მნიშვნელოვანი ინფორმაცია და ეფექტიანად, მოკლე ვადაში და ნაკლები დანახარჯით მათ წინაშე არსებული დავები თავად მოაგვარონ მედიაციის გამოყენებით.
“საქართველოს მედიატორთა ასოციაცია” აგძელებს მედიაციის დანერგვა პოპულარიზაციისთვის აქტიურ კამპანიას და გეგმავს არაერთი სხვა მუდმივმოქმედი პლატფორმის შექმნას, რაც ხელს შეუწყობს მედიაციის შემდგომ განვითარებას საქართველოში.
უკან
სხვა სიახლეები

საერთაშორისო ვებინარი- „მედიაცია საზღვართშორისი ბიზნეს დავები”

საქართველოს მედიატორთა ასოციაციის თავმჯდომარე- ირაკლი ყანდაშვილმა, როგორც ევროპის ადვოკატთა ასოციაციის მედიაციის კომიტეტის ხელმძღვანელმა მოდერირება გაუწია საერთაშორისო ვებინარს- „მედიაცია საზღვართშორისი ბიზნეს დავები”

შეხვედრა ქართულ-ამერიკული უნივერსიტეტის ბიზნეს სკოლის სტუდენტებთან

გრძელდება საქართველოს მედიატორთა ასოციაციის გაეროს განვითარების პროგრამის მხარდაჭერით დაწყებული კამპანია, რომლის მიზანია მედიაციის არსი და რაობა გააცნოს ბიზნეს სკოლების სტუდენტებს, მომავალი ბიზნესის წარმომადგენლებს საქართველოში.

სამუშაო შეხვედრა აღმოსავლეთ საქართველოში ახლად გახსნილი სასამართლოს მედიაციის ცენტრის წარმომადგენლებთან

„საქართველოს მედიატორთა ასოციაციის ინსტიტუციური გაძლიერებისა და მედიაციის განვითარების პროექტის“ ფარგლებში სამუშაო შეხვედრა გაიმართა აღმოსავლეთ საქართველოში ახლად გახსნილი სასამართლოს მედიაციის ცენტრის წარმომადგენლებთან.